Ramaddiin barattootaa dhaabbilee baruumsa ol'aanaa- bara 2008 ifoomsame
Ramaddiin barattootaa haaraa bara 2008itti dhaabbilee
barnoota ol'aanaa seenanii har'a ifoomsameeera.
Ejensiin madaalli Barnootaa fi Qormaatilee Biyyaalessaa akka
ifoomsetti, har’a sa’aatii saddeeetii jalqabee barattoonni yuunivarsitii itti
ramadaman fuula weeb saayitii ejensichaa fi ergaa barreeffamaa gabaabaan
bilisaan ilaaluu ni danda’u.
Haala kanaan barattoonni weeb saayitii ejensichaa
www.nae.gov.et seenuun fi bilbila mobaayiliidhaan 8181 irratti rtw barreessuun
sana boodas bakka gidduutti dhiisanii lakkoofsa addaa qormaatasaanii
barreessuun ergaa erguun yuunivarsitii itti ramadaman baruu akka danda’an
ibsameera.
Qormaata dhaabbilee barnoota ol'aanaa ittiin seenamu kan
fudhatan keessaa barattoonni kuma 100fi kuma 24fi 227 qabxii isaan dabarsu
argachuusaanii kan beeksise ejensichi, qabxii isaan dabrsu kan argatan keessaa
kuma 86fi 958 damee Saayinsii Uumamaa, barattoonni kuma 37fi 268 ammoo
Saayinsii Hawaasummaa irratti ramadamuusaanii ejensichi eereera.
Ramaddiin kun 40% naannootti yammuu ta’u, 60% ammoo naannoon
ala ta’uudha ejensichi kan beeksise.
Hirmaannaan shamarraniis 42% ta’uudha kan hime.
Barattoonni kuma 2fi 500 damee barnoota Medisinii irratti
kan ramadaman yammuu ta’u, damichatti seenuuf dhiirootaaf 504, shamarraniif
ammoo 484 akka ta’uuf murtaa’eera.
Qabxiin Qorumsa Biyyaalessaa Kutaa 12ffaa Caamsaa 27 hanga
Waxabajjii 02 bra 2007tti kenname kanaa dursee Adoolessa 20, 2007
ifoomsamuunsaa kan yaadatamudha.
Kanneen qoraman keessaa 45.3% kan ga’an jechuunis
barattoonni kuma 93fi 400 ol qabxii 350 fi isaa ol fiduusaanii
odeeffannoon ejensichi kenne ni ibsa.
Qabxiin ol'aanaan Barnoota Ol'aanaa baranaas 649 ta’ee
galmaa’eera.
Barttoonni 57 qabxii 600 ol kan galmeessisan yammuu ta’u,
yuunivarsitoota mootummaa seenuuf idilee, guyyaa fi galgalaan Saayinsii Uumamaa
dhiirotaaf 343 fi isaa ol, shamarraniif 320 fi isaa ol akka ta’u murtaa’uunsaa
kan yaadatamudha.
Dhuunfaan kan qoramaniif ammoo dhiirotaaf 353 fi isaa ol,
shamarraniif ammoo 331 fi isaa ol ta’uunsaa hin-dagatamu.
Naannolee guddataa jiranii fi barattoota naannoo horsiisee
bulaatiif dhiirotaaf 332 fi isaa ol yammuu ta’u, shamarraniif ammoo 317 fi isaa
olidha.
Odeeffannoo Ministeerri Barnootaa torban darbe ifoomseen
yuunivarsitoonni hundi Fulbaana 21 - 25, 2008itti barattoota haarawaa simatanii
qophii barsiisa duraatti akka seenan waamichi dhihaateera
አስተያየቶች
አስተያየት ይለጥፉ