Dhaamsa Saboota,sab-lammootaafi Ummattoota Itiyoophiyaa-Saba Oromootiif

-

Ummanni Oromoo deeggarsa muummicha ministiraa Dr.Abiyyi Ahmadiifi jijjiiramaaf qabu torban tokkoon dura jechuunis Amajjii 25-26/2013 akka adeemsise ni beekama.Hiriirri deeggarsaa godinaaleefi magaalota gara garaa keessatti adeemsifame kun ajaa’ibsiisaa ture.Dhaadannoowwan ergaa adda addaa qaban hiriirota deeggarsaa kanneen irratti dhaga’amaniiru.

Gareewwan xixiqqoon tokkummaa saba Oromoo sodaatan hiriira deeggarsaa Ummanni miliyoonaan lakkaa’amu irratti argame kana kan ummanni dirqamsiifamee akka ba’u taasifamedha jechuun gadi qicuuf yaalaniiru.Kana jechuusaaniitiinis taajjabbiidhaaf of saaxilaniiru.

Oromoon dirqamaan erga ba’ee saboonni,sab-lammoonniifi Ummattoonni Itiyoophiyaa kanneen biroos dirqamaan hiriira deeggarsaa taasisanii?Deebiin gaaffii kanaa hamtuufi shirtuu bira jira.


Dhimma hamtuufi shirtuu iddoo adda addaa biyya keessaafi biyyaalee alaa teessee wacaa jirtu barreeffama birootinin itti deebi’a.Amma gara mata duree dhimma dhaamsa saboota,sab-lammootaafi Ummattoota Itiyoophiyaa kanneen biroo irraa Saba Oromootiif darbetti isin haa deebisu.

Ummattoonni Itiyoophiyaa Naannoo Oromiyaatiin ala jiraatanis deeggarsa Dr.Abiyyi Ahmadiifi itti fufiinsa jijjiiramaatiif qaban hiriira deeggarsaa ba’uudhaan mul’isaniiru,mul’isaas jiru.Dhaamsi guddaan darbe firas diinas dhaqqabeera.Dhaamsi saba Oromootiif darbe nutis mamii malee isin wajjin jirra,akkuma Oromoon tokkummaadhaan dirreetti ba’uudhaan deeggarsa muummicha ministiraa Dr.Abiyyiif qabu ibsate nutis Oromoofi hooggansa Dr.Abiyyi wajjin jirra jechuudhaan dhaamsa guddaa dabarse.Diinaafis akeekkachiisa kenne.

Tarkaanfiin saboonni sab-lammoonniifi Ummattoonni Itiyoophiyaa fudhatan kun yoo Oromoon tokkoomee socho’u nutis tokkummaasaa utubna,ummata tokkoomee mirgaafi faayidaasaa kabajisiisu wajjin fayyadamna jechuusaati.

Diinni keessan diina keenya jechuudhaanis dhaamsa dabarfate.Yoo tokko taanee sochoonu hamtuufi shirtuun nudura dhaabbachuu hin dandeessu jedhe.Oromoon duruu hammataadha ummata hammataa kana wajjin nagaadhaan jiraanna jechuun dhaamsa guddaa dabarfate.

Hiriira deeggarsaa kana irratti xiqqaafi guddaatu hirmaate,qaamolee hawaasaa gara garaatu daangaa tokko malee deeggarsa Oromootiif qabu kutannoodhaan mul’ise.Akka diinni Oromoo jechaa ture miti dubbiin, jechuudhaan diinatti dhugaa hime.Oromoon biyya bulchuu danda’a jechuudhaan haqa jiru itti hime.

Dhugaan Ummattootaan himame kun ammoo mataa diinotaa bowwaafachiisuudhaan waan ta’an isaan wallaalchise.Ummanni dirqamaan deeggarsaaf akka ba’u taasifame jechuun olola sobaa akka ololan isaan taasise,xiqqaafi guddaadhaan akka taajjabamaniifis isaan saaxiluudhaan qullaatti isaan hanbise.

Filannoon bara 2013 dhufaa jira.Filannoo kana irratti sagalee kennuuf baatiiwwan afur qofaatu hafe.Filannoo kana irrattis Ummanni bal’aan eenyuun akka filatu garanumaa hamtuufi shirtuutti hime.Filannoon seenaa qabeessi kun karaa nagaatiin akka xumuramuuf,filannoo boodas jiruufi jireenyi hawaasaa tasgabbaa’ee akka itti fufuuf tokkummaan Ummattoonni amma wal hubachuudhaan mul’isan daran cimee itti fufuu qaba.Dubbiftootakoo yeroo kennitanii barreeffama kana waan naaf dubbiftaniif galatoomaa!Barreeffama gabaabaa dhimmoota adda addaa irratti hubannoo keessan gabbisuu danda’u akkan qabadhee dhufu hin shakkinaa.Nagaatti

 

አስተያየቶች

አስተያየት ይለጥፉ

ከዚህ ጦማር ታዋቂ ልጥፎች

Ministiroota Itiyoophiyaa har'a muudaman

-
ምስል
Ministiroota muudamaaf ministira muummichaan har’a eeramaniifi muudamnisaanii ragga'eef:- 1.Obbo Dammaqa Makonnin- itti aanaa ministira muummichaafi qindeessaa kilaastara damee hawaasummaa 2.Dr.Dabratsiyoon Gabramikaa’eel -sadarkaa itti aanaa ministira muummichaatiin qindeessaa dame diingdeefi ministira quunnmatii  infoormeeshin koomunikeeshinii 3.Adde Asteer Maammoo sadarkaa itti aantuu ministira muummichaatiin qindeessituu damee pabliik sarvisiifi ministira bulchiinsa gaariif misooma qabeenya humna namaa 4.Obbo Siraaj Fageessaa- ministira  ittisaa 5.Dr.Teediroos Adhaanoom -Ministira dhimma alaa 6.obbo Kaasaa Taklabirhaan -Ministira dhimmoolee Federaalaafi qindeessaa naannolee horsiisee bulaa 7.Obbo Getaachaw Ambaayee -Ministira haqaa 8.obbo Abdulaziiz Mahaammad -ministira mallaqaafi wal ta'uumsa diinagdee 9.obbo Tafarraa Daribaw -ministira qonnaafi qabeenya uumamaa 10.Obbo Silashii Geetaahuun -ministira misooma qabeenya be
ተጨማሪ ያንብቡ

Ibsa Dhaabbatummaa Dh.D.U.O

-
ምስል
Ibsa Dhaabbatummaa Ayyaana Hundeeffama Waggaa 26 ffaa Dhaabbata Dimokraatwaa Ummata Oromoo Ilaalchisuudhaan Koreen Giddu Galeessaa DhDUO Baase Koreen Giddu Galeessa Dh.D.U.O. Miseensotaa fi Deeggartootaa Dhaaba keenyaa fi ummata Oromoo hundaan  baga  Waggaa 26 ffaa   hundeeffama dhaaba keenyaatiin isin  gahe, baga wajjiniin nu gahe jedha. Ayyaanni hundeeffama DhDUO Bitooteessa 17 waggaa waggaan kabajamu   Ayyaana seenaa  qabsoo ummata Oromoo keessatti  hiikkaa guddaa qabuudha.  Ayyaana miseensotaafi deeggartoonni  qabsoo  keenyaa  marti kaayyoo eebbifamaa  dhabni keenya qabsaa’uuf ciminaan itti fufsiifnee galmaan ga’uuf waadaa keenya  itti haaromsinuudha. Keessattuu  waggaa 26 ffaa n hundeeffama DhDUO kan kabajamu yeroo addaa keessatti waan ta’eef haala addaatiin kan ilaalamuudha. Ayyanni hundeeffama dhaaba keenyaa woggaa 26 ffa yeroo kabajnu ayyaanota baroota darbanii irraa haalawwan adda isa godhan hedduu dha.kanneen keessaa :- Bara 2007 filannoo mana maree  na
ተጨማሪ ያንብቡ

Eessa turre,Maalirra Geenyeerra? Kutaa 4ffaa

-
ምስል
Barreeffama haala yeroo Oromiyaa irratti kutaadhaan qooduun isiniif dhiyeessaa jiruun kunoo har’a kutaa 4ffaa irra ga’eera.Akkuman waadaa gale kutaa kana keessatti ajajaa hawaasa raayyaa feesbuukii ta’uun socho’aa kan jiru Jawaar Mahaammad haala akkamiitiin fincilli akka babal’atu taasisaa jira?humnoonni dhiphoonniifi of tuultoonni akkasumas mankaraarsitoonni carraa fincila babal’isuu argannee jirra jechuun malaafi tooftaa akkamiitti fayyadamuudhaan socho’aa jiru?Dargaggoonni Oromoos ta’an sabaafi sab-lammoota kanneen biroo balaa humnoonni badii babal’isuuf yaalaa jiran irraa akkamitti of eeguu qaban? Kutaa kana keessatti gaaffilee kanaafi kanneen birootiif deebiin kan kennamu ta’a. Jawaar Mahaammad ergamaa kasaartoota siyaasaa bara kanaati.Namni kun ergamaa humnoota kanaa ta’uusaa ammoo dhiigni Dargagggoota Oromoo marartuu akka dhangala’u taasisuudhaan ba’aa jira. Weeb saayitiin hawaasummaa feesbuukiifi twwiter ammoo Jawaar Mahaammad  ergama isaa kana akka milkeeffachuu d
ተጨማሪ ያንብቡ