Koreen hojii raawwachiiftuu ADWUI adeemsa haaromsaa qorate
Koreen
Hojii Raawwachiistuu Adda Demookraatwa Warraaqsa Ummattoota Ityoophiyaa
haaromsa waggoottan 15 gamaaggamuun kallattii gara fulduraa kaa'eera.
Koreen
Hoji Raawwachiistuu Addichaa Hagayya 10 -15,2008 walga’ii idilee gaggeessen
jijjiirrama waggoottan 15 darbanii gamaaggameera.
Bu’aawwan
argaman itti fufsiisuuf, rakkoolee demokraasii misoomawaa qoraa jiranis hiikuun
mirga namoomaa fi fayyadamummaa mirkaneessuuf murteewwan dabarseera.
Koreen
hojii raawwachiisaan addichaa waggoottan 15 darban milkaa’iiwwan galmaa’aniin
cinaatti rakkooleen turan maal akka ta’anis gamaaggameera.
Adeemsa
demokraasii siyaasaa biyya keenyaaf jalqaba ta’e kanaanis mirgoonni siyaasaa
beekkamtii argatanii, feedaraaliizimiin hunda walqixa keessummeessus hojiirra
oolaa jira jedheera.
Ijaarsi
sirna demokraasii misoomawaa biyyattiin irra jirtus galmoota diinagdee jajjaboo
biyyattii haaromsan qajeelloon kan qabate akka ta'e ibseera.
Misoomni
biyyattii keessatti adeemsifamu kamiyyuu ummata jiddugaleessa kan godhate akka
ta’e yaadachiisuun, hirmaannaa ummataatinis guddiinni diinagdee diijjiitii
lamaa waggoottan 13 darban keessa galmaa’uu akka danda’e eerera ibsichi.
Seenaa
biyyattii keessatti yeroo jalqabaatif rakkoon hongee bal’aan bara darbe mudates
humna mootummaatiin dandamachuun akka danda’ame ibseera.
Magaalotatti
indaastirii babal’isuun jiraattonni akka fayyadamoo ta’anii fi diinagdee biyyaa
keessattis damichi ga’eesaa akka gumaachu fi carraa hojii akka uumu hojjetamaa
tureera.
Misooma
gama kamiinuu galmaa’urraa guddina biyyaa keessatti hawaasni fayyadamoo akka
ta’u ifaajjamaa tureeras jedha addichi.
Baadiyyaatti
qonnaan bulaan lafarraa osoo hin buqqa’in akka misoomu, magaalotatti IMXn
carraalee hojii uumuun bu’aan akka damichaan galmaa’u ta'eera.
Waggoottan
25 darban keessa lakkoofsi ummataa dabalaa deemuu isaatiin carraan hojii hammi
barbaadamu banamuu baatus, hojiileen jajjaboon hojjetamuun fayyadamtummaa
ummataa mirkaneessuun danda’ameera jedha ADWUIn.
Lammiilee
biyyattii keessaa 30% barnootarra akka jiran kaasee, kunis mootummaan ummata of
cinaa hiriirsuun bu’aa galmeessise muul'isas jedheera. Manneen barnootaa
sadarkaa gadiitii kaasee amma oliittis akka babal'atan hojjetameera.
Dhaabbileen
barnoota ol’aanoos biyyattiitti yeroo jalqabaatti haala kanaan dura hin
muul'anneen babal'isuun dhaloota barate horachuun danda'eera.
Gama
fayyaatin hojiin hojjetame boonsaa ta’uu isaatiin du’aatin hawwanii fi
daa’immanii hir’ateera. Bara 1983 jiddu galeessan umriin jireenyaa 45 akka ture
kaasee amma jiddugaleessan 64tti ol guddateera jedha ibsichi.
Koreen
hoji raawwachiistuu gamaaggama gaggeesseen miirri tajaajiltummaa bakka bakkatti
hafaa dhufuun faayidaa ofiitif socho’uun rakkoo cimaa sirnichaa ta’aa akka
dhufe irra ga’eera jedha.
Kanaaf
sirna demokraasii misoomawaa kana itti fufsiisuuf rakkoolee jiran hawaasa
waliin takka lamaan hiikuun barbaachisaa akka ta’e jala muree, kutannoon
hojjechuun yeroon kan hin laatamneefis jedheera.
Ummanni
biyyattiis qaamolee mootummaas haata’u kan biraa seeraan ala faayidaa ofii
ari’aa kan oolu saaxiluun misooma, demokraasii fi guddina jalqabame itti
fufsiisuun barbaachisaa waan ta’uuf mootummaa cinaa akka dhaabbatu gaafateera.
Jijjiirramoonni
haaraanis bara hojii 2009 irraa kaasee hojiirra akka oolfaman yaadachiiseera.
Bara
haaromsaa waggoottan 15 as jijjiirramoonni galmaa’an hawaasa biyyattii
fayyadamaa taasisaa turuun isaanii ni yaadatama jechuun, misooma
galmaa’erraayis hunduu fayyadamaa ta’aa akka dhufe dhugaa dhokatee miti
jedheera. Rakkoolee jiran sadarkaa sadarkaadhan hawaasa hirmaachisuun hiikaa
akka jirus eereera.
Ummanni
biyyattiis nagaa fi tasgabbii kan booressan, misoomaa fi guddina jalqabame kan
gufachiisan of keessaa maqsaa, rakkoolee jiran mootummaa karaa demokraatawa
ta’een filatamee aangoo qabate waliin mari’achaa akka hiikus waamicha
dhiyeesseera.
Hojiin
gamaaggamaa fi rakkoolee jiran qulqulleessuus seektaraa fi sadarkaa sadarkaan
akka gaggeeffamu addichi ibsa isaatin beeksiseera.
አስተያየቶች
አስተያየት ይለጥፉ