Walga’iin koree hojii raawwachiisaa A.D.W.U.I akkuma itti fufetti jira

Walga’iin koree hojii raawwachiisaa Adda Demookraatawa Warraaqsa Ummattoota Itiyoophiyaa(ADWUI) akkuma itti fufetti jira.

Walga’iin addichaa torban kibxata kaleessaa waajjiira muummicha ministiraa Araat Kiiloo jirutti eegalame dhimmoota adda addaa irratti maree fala waaraatiif taasisu itti fufeera.

Odeeffannoon toora marsariitii “Aigaforum” jedhamu irratti har’a ba’e tokko akka mul’isetti koreen hojii raawwachiisaan ADWUI walga’iisaa haala milkaa’aa ta’een kan itti fufee jiru yammuu ta’u bu’aawwan gaarii ummata fayyadamaa taasisuu argamsiisa jedhamee abdatameera.

Miseensoonni koree hojii raawwachiiftuu addichaa hojmaata ADWUI cabsuudhaan adeemsa kanaan dura irra turaniin gaabbii guddaa keessa galuudhaan hanga imimmaan buusanii boo’ootti akka ga’an odeeffannoon kun mul’iseera.

Gaabbiin onnee irraa maddee waltajjii maree irratti mul’ate kun wal ga’iin koree hojii raawwachiisaa ADWUI bu’aa ummanni bal’aan barbaadu argamsiisa jedhamee abdatameera.

Karaa birootiin weebsaayitiin hawaasummaa fees buukiin cufamullee odeeffannoo Appilication fb tokko tokkoon tamsa’aa jiruun  dhimma wal’ga’ichaa irratti odeeffannoowwan tilmaama irratti hundaa’an tokko tokko ba’aa akka jiran ni beekama.

Fakkeenyaaf hooggansa haaromsaa Oromiyaa(Ob.Lammaa Magarsaafi Dr.Abiy Ahmad ajjeesuuf karoorfamee dirqama hoogganaa tika biyyaa ob.Getaachaw Asaffaatiin kenname ba’uuf loltuun bobba’e tokko poolisii Oromiyaatiin too’annoo jala oolfameera odeeffannoon jedhu keessatti argama.Suuraan loltuu dirqama fudhate jedhame kanaas maxxanfamee mul’ateera.

Kun kanaan utuu jiruu jeeqamsi Yuuniivarstiiwwan biyyattii keessatti akka babal’atuuf taasifame tumsa hooggansiifi qaamoleen hawaasaa gara garaa taasisaniin dhaabbateera.Yuuniivarstiiwwan rakkoon hammaataan mudateenis barattootasaanii barsiisuu eegalaniiru.Barattoonni Yuuniivarstii saayinsiifi teeknooloojii Adaamaa baruumsa dhaabanii turanis har’a baruumsa akka eegalan ministeerri barnootaa beeksieera.

Ministeerichi beeksisa kaleessa sab-quunnamtiilee gara garaatiin tamsaaseen barattoonni sababa rakkoo jeeqamsaa mudateetiin gara maatii deemaniifi dallaa Yuuniivarstii keessaa ba’an hanga Kamisa boruutti baruumsa isaaniitti akka deebi’aniif waamicha taasiseera.

Dhaabbileen baruumsa ol’aanaa humnoota tasagabbiitiin akka eegamaniif kallattiin kennamee tasgabbiin dhaabbilee baruumsa ol’aanaa eegamaa akka jiruufi sochii wajjin walqabatees daangaan yeroo akka kaa’ame ni beekama.Daangaan yeroo kan kaa’ame barattoota miidhama irraa baraaruuf jecha yeroof kan murteeffame akka ta’e himamuun ni yaadatama.

Read Info from aigaforum

The EPRDF executive meeting is progressing very well beyond expectation!The uneasiness feeling observed initially is completely gone and leaders are deliberating on key issues strangling the country. According to a source with first hand knowledge TPLF's own internal genuine and honest deep tehadeso(Review) has been instrumental to lift the cloud of suspicion some executives have had. The meeting has brought tears to some leaders for failing to lead and for some a genuine remorse for abandoning the EPRDF way! The meeting may conclude soon due to the overall success and agreement reached so far!
Note: Although there is hard currency shortage, the latest report coming is the country's export is showing a healthy growth and banks are performing well! Export in the agricultural produce sector is very good! Aigaforum Dec 20, 2017