Waa lama dhabuu Juneeddii Saaddoo

Obbo Juneeddii Sadadoo iddoowwan Taayitaa Naannoo Oromiyaafi Federaalaa hedduu irratti hojjeteera.Walumaagalatti waggoota 27’f  sadarkaa itti gaafatamaatiin akka hojjete dubbata.

Waggoota shaniin dura fedhumasaatiin akka biyyaa baqateefi sagalee dhokfachuun erga turee booda wayita ammaa humni dhiphaaniifi of tuulaan ol’aantummaa waan argate itti fakkaannaan iddoo itti dhokate irraa sagaleesaa hammeenyaa dhageessiseera.

Itiyoophiyaa keessatti danbaliin mormii ummataa akka ka’eefi Mootummaa wayyaanee tajaajiluun isaa akka gaabbisiiseen dubbateera.Namni kun taayitaa hammaaramee itti kenname da’oo godhachuudhaan murteewwan adda addaa dabarseen Oromoonni hedduun miidhamaniiru,dararama ol’aanaadhaaf saaxilamniiru.Murteewwan Namni sobaan kun yeroo tayaitaa irra turetti dabarseen:

1.Barattoonni Yuuniivarstii lakkoofsaan 300 caalan baruumsa isaanii irraa ari’amuudhaan du’aniiru,bu’aa malee hafaniiru.

2.Magaalaan guddoon Oromiyaa Adaamaa akka taatu murteessuudhaan hojjettoonni manneen hojii 8 jireenya isaanii tasgabbaa’aa irraa buqqa’aniiru.

3.Juyuneeddiin taayitaa qabutti da’eeffachuudhaan murteewwan dabarseen mankaraarsitummaan Islaamaa Oromiyaatti akka babal’atuufi lubbuun Namoota baay’ee akka badu taasiseera.

4.Maastar pilaaniin Finfinneefi godina addaa Oromiyaa badiinsa lubbuufi barbdaa’uumsa qabeenyaatiif sababa akka ta’u taasiseera.Balballi dhimma maastar pilaanii murtee sirriifi seena qabeessa Dh.D.U.O’n dabarseen cufamuusaa kan hinbeekne Juneeddii Saaddoo ammas ta’u Maastar pilaaniin sirrii miti jechuun hojii ergamtummaasaa hojjechaa jira.

Obbo Juneeddii Saaddoo bara taayitaa isaatti rakkoo ittiin bulinnaa,jaalatamummaa argachuufi jilbiinfachuutiin dogongorawwan raawwachaa ture yaadachuudhaan ummata dhiifama gaafadheera jedha.Haa ta’uutii obbo Juuneeddii Saaddoo waa lama dhabuusaa beekuu qaba.Hundumaafuu sobasaa kana dhaggeeffadhaa.