Sanda shirtuun qopheeffattee ittiin gadi baate

 

 

 

Qaammee 01,2014 Finfinnee (TW)  sanada qopheessuudhaan muuxannoo waggoota dheeraa qabdi.Ammas lubbuun keessaa baatee du’uudhaan dura akkuma barte sanada umurii ittiin dheereffachuu dandeessu akka qopheeffatte dhageenye.Qabiyyeen sanada waayyaannees maalfa’i akka of keessaa qabu dubbisuudhaan hubanne.

Sanadni kun sanada shororkaa wayyaaneen qophheeffattedha.Malaafi tooftaawwan gochoota shororkeessitummaa ittiin babal’itu qopheeffachuudhaan gadi baate.Garuu warri shiraa akka yaadaniifi karoorfatanitti milkaa’uufii didee jalaa fashalaa’eera.Karaatti hafaniiru.Hammeenyaan deemta taanaan ardii kana irratti wanti siif milkaa’uu danda’u hin jiru.Wayyaaneen shiraafi dabaan deemti waan ta’eef imallishii karaatti jalaa gufateera.

Sobaafi waakkachuu silaa hin dadhaban Getaachoo Raddaa ibsa kaleessa galgala mira abdii kutannaa ol’aanaadhaan kennen ‘sanada kana nuti hin qopheessine’ jechuun waakkateera.Akka itti waakkataniifi soban muuxannoo yeroo dheeraa qabu waan ta’eef fakkeessuudhaan waakkataniiru.

Getaachoon ‘sadarkaa sanda ittiin qopheeffannu irra hin turre.Harkaan barreessaa turre,ibsaa hin qabnu,utuu tajaajila ibsaa hin qabaatiin akkamitti sanada qopheessuu dandeenyaa?kun sobadha!Sanada keenya miti’jechuudhaan waakkannaa isaa dhageessisee jiranamtichi.Akkaataa sanada shororkaa waayyaanneen qoheeffatte kanaan dhimmoonni ijoon sanadicha keessa jiran maalfa’i akka ta’an hubachuun barbaachisaadha.

1ffaa.Sanada kanaan wayyaaneen Nagaadhaaf dursa akka hin kennine mul’iftee jirti.Filmaata Nagaa Mootummaan Itiyoophiyaa dhiyeesseef iddoo akka hin kennineefi mootummaa Itiyoophiyaa wajjin marii nagaa taasisuuf fedhii akka hin qabne mul’ifte.Agarsiiftuun kanaa Mootummaan Itiyoophiyaa garee marii Nagaa irratti hirmaatuufi itti aanaa muummicha ministiraafi ministira dhimma alaa obbo Dammaqa Makonniniin hoogganamu qopheessuudhaan tarsiimoo mariin nagaa ittiin adeemsifamu qopheessee eegaa utuu jiruu waliigalteen dhukaasa dhaabuu cabeera jechuun karaa Qobbootiin waraana bante.

Kallattii dura irratti kaawwataniin’Dirqamaan funyaan isaanii qabuudhaan waan barbaadnu goona’jechuun akkuma dura taa’aa wayyaanee Dabrtsiyoon Gabramikaa’eeliin himame mootummaa Itiyoophiyaa dirqamsiisuudhaan fonqolchanii taayitaa irraa bu’anitti akka deebi’an dhaadatan sana qabatamaan sochii eegalan.Kan yaadan hin milkoofneef jalaa fashalaa’eera.

2ffaa.Wayyaaneen sanada kanaan tuffiifi diinummaa saba Amaaraa irratti qabdu mul’iftee jirti.Karaa naannoo Amaaraatiin weerara marsaa sadaffaa kan bante tuffiifi diinummaa Amaaraa irratti qabdu mul’isuuf akka ta’e beekameera.Sanadicha keessatti akka eerametti ‘Qonnaan bulaan Amaaraa yeroo argachuudhaan omisha qonna gannaa yoo walitti qabate waan omishate nyaachaa nuwaraana’yaaddoo jedhu akka qabdu mul’iftee jirti.Kanaaf midhaan utuu hin ga’in waraana jalqabuudhaan waan hundumaa baballeessuuf waraana marsaa sadaffaa jalqabde.

3ffaa.Naannoon Affaariifi Sumaalee diina isaanii akka ta’an sanada kana irratti mul’isaniiru.Naannoleen lamaan maalif diina jedhaman?Naannoon Affaar wayyaaneen karaa Affaariin dabartee taayitaa irraa buutetti akka hin deebineef gufuu ta’eera.Karra ba’uumsaa Jibutii jalaa cufeera.Weerara irra deddeebiidhaan wayyaaneen raawwattes ga’uumsaan qolachuudhaan ofirraa deebiseera.Diddaan Ummanniifi mootummaan Naannoo Affaar mul’isan wayyaanee xiiqii keessa galcheera.Kana irraa ka’uudhaan ollaa isaanii Affaariin diina jechuudhaan ibsan.

Naannoon Sumaaleetis shira wayyaaneen yeroo adda addaatti shiruudhaan hojirra oolchuuf ittiin sochoote jalaa fashaleessee jira.Keessumattuu waliigaltee wayyaaneen garee shororkeessaa al-Shabaab waliin taasifte kan jalaa fashaleesse raayyaa ittiisaa dabalatee humnoota tasgabbii  Naannoo Sumaalee jiranidha.Bu’aan kun akka galmeeffamuuf hooggansi pirezidaantiin Naannoo Sumaalee obbo Musxafee Mahaammad kennan ammoo fakkeenyummaadhaan kan fudhatamedha.Kanaaf wayyaaneen Naannoon Sumaaleetis diina ishii akka ta’e wayyaaneen sanada kanaan mul’iftee jirti.

4ffaa.Wayyaaneen sanada kanaan gareen shororkeessaan Shaneen akka cimee socho’uuf kan deeggartu akka ta’e mul’iftee jirti.Kanaanis akkuma kanaan duraa wayyaaneen diina saba Oromoo akka taate qabatamaan mirkaneessitee jirti.Shaneen akka cimee socho’u taasisuun Ummata Oromootiif yaaduu irraa kan maddu akka hin taane ni beekama.Shanee maqaa Oromootiin sochootu akka fardaatti yaabbachuudhaan wayyaanneen Oromiyaa keessa gulufuuf fedhii ol’aanaa akka qabdu sanada iccitiidhaan qophaa’ee miqilee jalaa ba’e kana irraa hubatameera.Habadan kun hin taatu!Wayyaaneen weerara marsaa 3ffaa jalqabde finiinsuu dadhabuudhaan gootummaa Raayyaan Ittisaa Itiyoophiyaafi humni qindaa’een mul’isaniin lubbuun keessaa ba’uuf wiciffachaa jirti.Fayyaa ta’aa!