“አፍንጫ ሲመታ ዓይን ያለቅሳል”

 

“የመንግስት የፀጥታ ኃይሎች “ኦነግ ሸኔ”ብለው የሰየሙት የኦሮሞ ነፃነት ሠራዊትን ለማጥፋት ያቀደና “ዓሳውን ለማጥመድ ባህሩን ማድረቅ” በሚል መርህ የሚመራው ዘመቻ ከዓለም እይታ ተደብቆ በተለያዩ የኦሮሚያ ዞኖችና የሃገሪቱ ክፍሎች በስፋት እየተካሄደ ይገኛል”ይላል ኦፌኮ ባለፈው እሁድ ሚያዝያ 23 2014 ዓም ያወጣው መግለጫⵆ

ልብ በሉ “የኦሮሞ ነፃነት ሠራዊት” የሚባል  ሃይል እንዳለ ኦፌኮ ያውቃል ያምናል፤ስለዚህ የኦፌኮ አባላት በ”ኦሮሞ ነፃነት ሰራዊት” ውስጥ በመሳተፍ በኦሮሞ ህዝብ ላይ ተነግሮ የማያልቅ ጉዳት እያደረሱ ነው ማለት ነውⵆምክንያቱም አባላቱ ፓርቲያቸው የሚያምነውንና የሚያንቆጳጰሰውን ሰራዊት መደገፍና ዓላማው ከግብ እንዲደርስ ማድረግ የአባልነት ግዴታቸውን መወጣት ይጠበቅባቸዋልናⵆ

ሆኖም የኦሮሞ ነፃነት ሰራዊት እንደፈረሰ፤ከአራት ዓመታት በፊት ኦነግ ለሰላማዊ ትግል ወደ አገር ገብቶ የሰራዊቱ አባላትም የፈለገ ወደ ቤተሰቡ የተቀረው በፍላጎቱ በኦሮሚያ የፀጥታ አካላት አባል ሆኖ የተቀላቀለ እንደሆነ ቀደም ሲል በአደባባይ ተነግሯል፤ታዲያ ኦፌኮ ብቻ የሚያውቀው የኦሮሞ ነፃነት ሰራዊት ከየት መጣ?

ለነገሩ ትህነግና ኦፌኮ ኦነግ ሸኔ ድባቅ ሲመታ እጅግ በጣም ያማቸዋልⵆትህነግ ሰሞኑን “የኦሮሞን ህዝብ ትግል እደግፋለሁ”በማለት መግለጫ ማውጣቷ የታወቃልⵆኦፌኮም ትህነግን በማጀብ ነው መንግስት ላይ እሪ ሲል መግለጫ ያወጣው

“አፍንጫ ሲመታ አይን ያለቅሳል” ነው ነገሩⵆትህነግና ኦፌኮ ኦነግ ሸኔ ሲመታ ጩኽታቸው ከፍ ይላል፤ምክንያቱም ኦሮሚያን በመበጥበጥ እነርሱ ወደ ስልጣን ኮርቻ እንዲወጡ ሊያደርግ ይችላል ብለው ተስፋ ያደረጉት ኦነግ ሸኔ በመሆኑ ነው

አሁን ተስፋቸው የተማጠጠ ይመስላል ኦፌኮ ኦነግ ሸኔ ላይ እይተካሄደ ያለውን ዘመቻ በመቃወም አለም አቀፍ ገለልተኛ አካል ጉዳዩን እንዲያጣራ እስከ መጠየቅ ደርሷልⵆሸኔ ሲመታ ህዝብ እያለቀ ነው ማለት ምን ማለት ነው?በህዝብ ላይ እንግልት እያደረሰ ያለው ሽፍታ ቡድን አይነካ ማለት ነው?መንግስት የመረጠው ህዝብ በተላላኪ ሽፍታ ሲንገላታ፤ሲገደል፤ሲዘረፍ ዝም ብሎ ማየት አለበት ማለት ነው? ትህነግና ኦፌኮ ለእነዚህ ጥያቄዎች የሚሰጡትን ምላሽ አያጡም፤ምክንያቱም ሴራውን ሁሉ የሚጎነጉኑት በጋራ ስለሆነ የሚሉት ይታወቃል

የትህነግ እንኳ ቁርጡ ታውቋል ጠላት መሆኑን በተግባር አረጋግጣል፤ኦፌኮ ግን ሁለት ቦታ መቆሙ ይጎዳዋል እንጂ በፍፁም አይጠቅመውምⵆህዝብ ዓይን አለው!