Guyyaa Dargaggoota Oromiyaa marsaa 10ffaan har’a kabajamuu eegaleera.

Hoggantuun Biiroo Dargaggoofi Ispoortii Oromiyaa aadde Aziizaa Abdii guyyaa dargaggoota Oromiyaa 10ffaa kabajamaa jiru irratti haaswa dhageessisaniin akka jedhanitti, darggaoonni haala mijataa mootummaan yeroo ammaa uumefitti fayyadamuun kaka’umsaafi fedhii qabaniin hogganamuun biyya isaanii jaallachuun aadaa hojii gaarii goonfachuun lammii isaanii tajaajiluufi hanqinoota bulchiinsa gaarii irratti mul’atan irrattis araarama tokko malee qabsaa’uu akka qaban dhaamaniiru.

Itti gaafatamaan Federeeshinii Dargaggoota Oromiyaafi Itiyoophiyaa dargaggoo Taarraqanyi Abduljurjabbaar gamasaatiin akka jedhetti sirnoota cunqursaa kanaan dura turan keessatti kutaa hawaasaa kamiyyuu caalaa dargaggoonni naannoofi biyya keenyaa haala suukaneessaan miidhamaa turaniiru.

Guyyaa Dargaggootaa 10ffaa ilaalchisuun waltajjiin mareef qophaa’e har’a adeemsifamaa kan oole yammuu ta’u guyyaa boruu sagantaan misoomaa Dargaggoota Oromiyaa fayyadamtoota taasisu kan ifsoomsamu ta’a.

Dura taa’aan Dhaabbta Demokraatawa Ummata Oromoofi Pireezidaantiin Mootummaa Naannoo Oromiyaa kabajamaa obbo Muktaara Kadir gaaffilee gara garaa bakka bu’oonni Dargaggoota Oromiyaa dhiyeessaniif deebii kennu jedhamee eegama.