Hiyyummaa wajjin walta’uudhaan jiraachuun hindanda’amu!

-
 Dargaggoonni hojii filachuufi tuffachuu hin qaban!

Maddi badhaadhinaa hojii kamiyyuu utuu hin tuffatin hojjechuudha.Namoonni baay’een wayita ammaa sadarkaa gaariirra jiran ka’uumsi isaanii gara gadii irraa akka ta’e yeroo baay’ee yoo himamu dhaga’ama.


Kun dhugaa qabatamaan jirudha.Rakkoon jiru Namoonni dhimma kana xiinxalanii ilaaluudhaan kan itti hin fayyadamne ta’uusaati.

Nuti akka lammiitti,lammiiwwan jireenya hiyyummaa jala jirrudha.Hiyyummaan mana nurratti ijaarrattee waggoonni lakkaa’amaniiru.Kanaaf kan nusaaxilanii darban ammoo sirnoota abbaa irree kanaan duraati.

Amma biyya keenya keessa sirni abbaa irree hin jiru.Hojjechuudhaan hiyyummaa keessaa ba’uuf haala mijaawaatu jira.

Kanaaf ilaalcha duubatti hafaa hojii tuffachuufi wal caalchisuu nubiratti dagaagee ture moo’achuudhaan hojii kamiyyuu hojjechuun jireenya hiyyummaa keessaa ba’uuf socho’uun dirqamadha.Haala qabatamaa wayita ammaa biyya keenya keessa jiruun hiyyummaa wajjin walta’uudhaan jiraachuun hin danda’amu.

Falli xumuraa hojii kamiyyuu utuu hin tuffatiniifi utuu hin filatin waanuma argame kamiyyuu hojjechuudhaan hiyyummaa moo’achuudha.

Hiyyuummaa erga moo’annee booda akka fedhiifi dandeettii qabnutti hojii filachuun ni danda’ama.Bakka haalli mijaa’aan hin jirretti kana gochuun garuu hiyyummaan akka nuti roorftuuf haala mijeessuudha.

Hiyyummaan bara baraan nutti roorrisuu mannaa hojii kamiyyuu hojjechuudhaan dugda hiyyummaa irra dhaabbachuutu gootummaadha.

Gootummaan Dargaggoota Oromiyaa ammoo kunoo amma mul’achuuf jira.Tibbana pirojaktiin misooma Dargaggootaa,Dargaggoota Oromiyaa lakkoofsaan kuma 800 ga’an fayyadamtoota taasisu ifoomsameera.Kun Dargaggoota Oromiyaa rakkoo hojii dhabdummaatiin dararamaa turaniif oduu gammachiisaadha.

Amma Mootummaan raawwii sagantichaatiif birrii miliyoona 300 akka ramade ifoomseera.Walumaa galatti misooma Dargaggoota Oromiyaatiif birrii biliyoona 2 caalutu ramadame.kana jechuun Dargaggoota dhaabbilee adda addaa keessatti makamanii carraa hojii akka argatan taasifamuuf jiru wajjin akka ta’e himameera.

Kanaaf birriin biliyoona 2 caalu kun bajata maallaqaan ramadame akka hintaane hubatamuu qaba.

Amma wanti yaaddessaan jiru aadaa duubatti hafaafi ilaalcha hojii tuffachuufi filachuutiin Dargaggoonni duubbatti of qaban jiraachuu danda’uu laata? dhimma jedhudha.

Yoo akkuma barame ilaalchi duubatti hafaan kun Dargaggoota keenya duubatti harkise miidhamni wayita ammaa sababa rakkoo hojii dhabdummaatiin Dargaggoota keenya dararaa jiru itti fufuunsaa hin oolu.Miidhamni kun akka itti hin fufneef of qopheessuuniifi onnachuun barbaachisaafi murteessaadha.Kun ammoo qooda Dargaggoota Oromiyaati.


Maatiiniifi ogeeyyoonni gara garaas Dargaggoonni Oromiyaa hubannoo gahaa akka qabaataniif socho’uutu irraa eegama.

አስተያየቶች

አስተያየት ይለጥፉ

ከዚህ ጦማር ታዋቂ ልጥፎች

Ministiroota Itiyoophiyaa har'a muudaman

-
ምስል
Ministiroota muudamaaf ministira muummichaan har’a eeramaniifi muudamnisaanii ragga'eef:- 1.Obbo Dammaqa Makonnin- itti aanaa ministira muummichaafi qindeessaa kilaastara damee hawaasummaa 2.Dr.Dabratsiyoon Gabramikaa’eel -sadarkaa itti aanaa ministira muummichaatiin qindeessaa dame diingdeefi ministira quunnmatii  infoormeeshin koomunikeeshinii 3.Adde Asteer Maammoo sadarkaa itti aantuu ministira muummichaatiin qindeessituu damee pabliik sarvisiifi ministira bulchiinsa gaariif misooma qabeenya humna namaa 4.Obbo Siraaj Fageessaa- ministira  ittisaa 5.Dr.Teediroos Adhaanoom -Ministira dhimma alaa 6.obbo Kaasaa Taklabirhaan -Ministira dhimmoolee Federaalaafi qindeessaa naannolee horsiisee bulaa 7.Obbo Getaachaw Ambaayee -Ministira haqaa 8.obbo Abdulaziiz Mahaammad -ministira mallaqaafi wal ta'uumsa diinagdee 9.obbo Tafarraa Daribaw -ministira qonnaafi qabeenya uumamaa 10.Obbo Silashii Geetaahuun -ministira misooma qabeenya be
ተጨማሪ ያንብቡ

Ibsa Dhaabbatummaa Dh.D.U.O

-
ምስል
Ibsa Dhaabbatummaa Ayyaana Hundeeffama Waggaa 26 ffaa Dhaabbata Dimokraatwaa Ummata Oromoo Ilaalchisuudhaan Koreen Giddu Galeessaa DhDUO Baase Koreen Giddu Galeessa Dh.D.U.O. Miseensotaa fi Deeggartootaa Dhaaba keenyaa fi ummata Oromoo hundaan  baga  Waggaa 26 ffaa   hundeeffama dhaaba keenyaatiin isin  gahe, baga wajjiniin nu gahe jedha. Ayyaanni hundeeffama DhDUO Bitooteessa 17 waggaa waggaan kabajamu   Ayyaana seenaa  qabsoo ummata Oromoo keessatti  hiikkaa guddaa qabuudha.  Ayyaana miseensotaafi deeggartoonni  qabsoo  keenyaa  marti kaayyoo eebbifamaa  dhabni keenya qabsaa’uuf ciminaan itti fufsiifnee galmaan ga’uuf waadaa keenya  itti haaromsinuudha. Keessattuu  waggaa 26 ffaa n hundeeffama DhDUO kan kabajamu yeroo addaa keessatti waan ta’eef haala addaatiin kan ilaalamuudha. Ayyanni hundeeffama dhaaba keenyaa woggaa 26 ffa yeroo kabajnu ayyaanota baroota darbanii irraa haalawwan adda isa godhan hedduu dha.kanneen keessaa :- Bara 2007 filannoo mana maree  na
ተጨማሪ ያንብቡ

Eessa turre,Maalirra Geenyeerra? Kutaa 4ffaa

-
ምስል
Barreeffama haala yeroo Oromiyaa irratti kutaadhaan qooduun isiniif dhiyeessaa jiruun kunoo har’a kutaa 4ffaa irra ga’eera.Akkuman waadaa gale kutaa kana keessatti ajajaa hawaasa raayyaa feesbuukii ta’uun socho’aa kan jiru Jawaar Mahaammad haala akkamiitiin fincilli akka babal’atu taasisaa jira?humnoonni dhiphoonniifi of tuultoonni akkasumas mankaraarsitoonni carraa fincila babal’isuu argannee jirra jechuun malaafi tooftaa akkamiitti fayyadamuudhaan socho’aa jiru?Dargaggoonni Oromoos ta’an sabaafi sab-lammoota kanneen biroo balaa humnoonni badii babal’isuuf yaalaa jiran irraa akkamitti of eeguu qaban? Kutaa kana keessatti gaaffilee kanaafi kanneen birootiif deebiin kan kennamu ta’a. Jawaar Mahaammad ergamaa kasaartoota siyaasaa bara kanaati.Namni kun ergamaa humnoota kanaa ta’uusaa ammoo dhiigni Dargagggoota Oromoo marartuu akka dhangala’u taasisuudhaan ba’aa jira. Weeb saayitiin hawaasummaa feesbuukiifi twwiter ammoo Jawaar Mahaammad  ergama isaa kana akka milkeeffachuu d
ተጨማሪ ያንብቡ