Dh.D.U.On ABO Shaneef irra deebiin waamicha dhiyeesse

-


Dh.D.U.On ABO Shaneef irra deebiin waamicha dhiyeesse


Dhaabbanni Demookraatawa Ummata Oromoo(Dh.D.U.On) dirree siyaasaa bal’isuuf ejjennoon seena qabeessa fudhataa jiru sababa kamiinuu akka duubatti hin deebifne Itti Gaafatamaan Siyaasa fi Ijaarsa Baadiyyaa Dh.D.U.O obbo Addisuu Araggaa beeksisaniiru
Dhaabbatni Dimokraatawaa Ummata Oromoo fi mootummaan isaan hogganamaa jiru tokkummaa ummata Oromoo cimsuuf akkasumas dirree siyaasaa fi dimookraasii daran babal’isuuf tarkaanfiiwwan lakkawamuu danda’an hedduu fudhachaa akka jiru obbo Addisuun fuula feesbuukii isaanii irratti ibsaniiru.
Tarkaanfiiwan kanneen keessaa namoota sababa gara garaatiin hidhaman hoggantoota jaarmiyaalee siyaasa dbalatee kumaatamaan akka bilisa bahan taasisee jira.
Jaarmiyaalee siyaasaa dantaa sabaa kabajichiisuuf qabsoo hidhannoo filatanii biyyota gara garaa jiran gara biyya isaaniitti deebi’aanii qabsoo nagaa fi dimikraatawaa akka geggeessan waamichi taasifamee jira jedhan obbo Addisuun.
Gama biraanis jaarmiyaaleen siyaasaa kanaan dura himannaan shorokeessummaa irratti banamee ture, ABO dabalatee himaannaan shorokeessummaa irraa ka’ee nagaadhaan akka socha’an haalli mijataan uumameefi jira akkasumas dirree siyaasaa bal’siuuf sochii taasifamaa jiru daran cimsuuf seerootni danqaa ta’anii fi dimokraasii ukkaamsan akka fooyyaa’anii fi haqaman marii bal’aan taasifamaa jira jedhaniiru.
Hanga yoonaattis dhaabbileen siyaasaa baay’een affeeraa Muummichi Minstaraa taasisan fudhatanii gara biyyaatti kabajaan deebi’anii qabsoo karaa nagaa eegalanii jiru.
Haa ta’u malee jaarmiyaan Shanee ABO jedhamu waamicha kabajaa taasifameef fudhachuu diduudhaan nageenya naannoo fi ummata keenyaa booreessuuf akkasumas miira tokkummaa ummata Oromoo jaarraa keessatti yeroo jalqaabaaf uumamuu jalqabe diiguuf lixa Oromiyaa godinaalee muraasa irratti humna waraanaa bobbaasuudhaan miidhaa lubbuu fi qabeenyaa geessisaa akka jiru obbo Addisuun eeranii jiru.
Sochii Shanee ABO beekaas ta’e osoo hin beekin godhaa jiru carraa ummatni Oromoo qabsoo isaatiin yeroo ammaa goonfate harkaa baasuuf wixxifannaa diinni ummata Oromoo biyya keessaa taasisaa jiru kan tumsu ta’uu isaati .
Carraa kanaan jaarmiyaa Shanee ABOtiif affeerraa jaalaa fi tokkummaadhaan ummata keenya ijaaruu fi garaagarummaa qabnu irratti karaa nagaatiin qabsaa’uuf taasifameef kabajee fudhachuudhaan akka socho’u waamicha irra deebiidhaan dhiyeessuufii obbo Addisuu Araggaa beeksisaniiru.
Obbo Addisuun qeerroo fi qarreen Oromoo gumaacha qabsoo hanga ammaa keessatti qabdan abshaalummaa fi kutannoo cimaadhaan humna karaa nagaatiin ala socho’uu barbaadu dura dhaabachuudhaan injifannoo isaanii akka tikfataniif waamicha dhiyeessaniiru.

አስተያየቶች

አስተያየት ይለጥፉ

ከዚህ ጦማር ታዋቂ ልጥፎች

Ministiroota Itiyoophiyaa har'a muudaman

-
ምስል
Ministiroota muudamaaf ministira muummichaan har’a eeramaniifi muudamnisaanii ragga'eef:- 1.Obbo Dammaqa Makonnin- itti aanaa ministira muummichaafi qindeessaa kilaastara damee hawaasummaa 2.Dr.Dabratsiyoon Gabramikaa’eel -sadarkaa itti aanaa ministira muummichaatiin qindeessaa dame diingdeefi ministira quunnmatii  infoormeeshin koomunikeeshinii 3.Adde Asteer Maammoo sadarkaa itti aantuu ministira muummichaatiin qindeessituu damee pabliik sarvisiifi ministira bulchiinsa gaariif misooma qabeenya humna namaa 4.Obbo Siraaj Fageessaa- ministira  ittisaa 5.Dr.Teediroos Adhaanoom -Ministira dhimma alaa 6.obbo Kaasaa Taklabirhaan -Ministira dhimmoolee Federaalaafi qindeessaa naannolee horsiisee bulaa 7.Obbo Getaachaw Ambaayee -Ministira haqaa 8.obbo Abdulaziiz Mahaammad -ministira mallaqaafi wal ta'uumsa diinagdee 9.obbo Tafarraa Daribaw -ministira qonnaafi qabeenya uumamaa 10.Obbo Silashii Geetaahuun -ministira misooma qabeenya be
ተጨማሪ ያንብቡ

Ibsa Dhaabbatummaa Dh.D.U.O

-
ምስል
Ibsa Dhaabbatummaa Ayyaana Hundeeffama Waggaa 26 ffaa Dhaabbata Dimokraatwaa Ummata Oromoo Ilaalchisuudhaan Koreen Giddu Galeessaa DhDUO Baase Koreen Giddu Galeessa Dh.D.U.O. Miseensotaa fi Deeggartootaa Dhaaba keenyaa fi ummata Oromoo hundaan  baga  Waggaa 26 ffaa   hundeeffama dhaaba keenyaatiin isin  gahe, baga wajjiniin nu gahe jedha. Ayyaanni hundeeffama DhDUO Bitooteessa 17 waggaa waggaan kabajamu   Ayyaana seenaa  qabsoo ummata Oromoo keessatti  hiikkaa guddaa qabuudha.  Ayyaana miseensotaafi deeggartoonni  qabsoo  keenyaa  marti kaayyoo eebbifamaa  dhabni keenya qabsaa’uuf ciminaan itti fufsiifnee galmaan ga’uuf waadaa keenya  itti haaromsinuudha. Keessattuu  waggaa 26 ffaa n hundeeffama DhDUO kan kabajamu yeroo addaa keessatti waan ta’eef haala addaatiin kan ilaalamuudha. Ayyanni hundeeffama dhaaba keenyaa woggaa 26 ffa yeroo kabajnu ayyaanota baroota darbanii irraa haalawwan adda isa godhan hedduu dha.kanneen keessaa :- Bara 2007 filannoo mana maree  na
ተጨማሪ ያንብቡ

Obbo Muktaar Kadir pireezidaantii Mootummaa Naannoo Oromiyaa ta’uun lammata filataman

-
ምስል
Yaa’iin 2ffaan Caffee Oromiyaa obbo Muktaar Kadir Abbaa Bulguu bara hojii caffee itti aanutti akka tajaajilaniif sagalee guutuudhaan filateera. Obbo Muktaar Kadir yeroo haaromsaa irraa eegalee sadarkaa hojii adda addaa irratti ummata tajaajilaa akka turan bakka bu’aan mootummaa obbo Dhaabaa Dabalee  wayita seenaafi bara tajaajilaa obbo Muktaar dhiyeessanitti dubbataniiru. Obbo Muktaar  sadarkaa hooggansaa adda addaa irra kan turan yammuu ta’u waggaa tokkoofi walakkaaf pireezidaantii Naannoo Oromiyaa ta’uun tajaajilaa turaniiru. Dura taa’aa dhaabbata Demookratawa Ummata Oromoo ta’uun dhiyeeya kana filataman obbo Muktaar Kadir sadarkaa baruumsaatiiniitiin Yuuniivarstii Siiviil Sarvisiifi yuuniivarstii biyya Ameerikaa tokko irraa digirii lammaffaa akka qabanis eerameera. Pireezidaant Obbo Muktaar sagalee guutuu hirmaattoota yaa’ichaatiin erga filatamanii booda pireezidaantii mana murtee waliigalaa Oromiyaa obbo Damoozee Maammeetin waadaa galaniiru. Pireezida
ተጨማሪ ያንብቡ