Firri gammadee,diinni ammoo gadde!

-

 



Adoolessa 28,2014 Finfinnee(TW) Muummichi ministiraa Itiyoophiyaa Dr.Abiy Ahmad Alii baatii Adoolessaa kana keessa guyyoota hedduu gara baatii tokkotti dhiyaataniif ummatatti utuu hin mul’atin turan kaleessa Adoolessa 27 bara 2014 ministiroota hoogganan waliin raawwii hojii misooma diinagdeefi bu’aa galmeeffame ummata Itiyoophiyaatti himuuf mul’ataniiru.Ishoo baga mul’atan!

Waan dansaa!Tooftaan ittiin dhufanis gammachiisaadhaa.Mala gaariitu filatame.Dr.Abiy turtii guyyoota hedduu booda mul’achuun isaanii fira yaaddoodhaan sunturraa’ee ture daran kan gammachiise yoo ta’u diinoota du’asaa hawwuudhaan gammachuudhaan fishiliqanii waan hedduu raagaa turan ammoo akka malee gaddisiiseera.

Mudannoon kun waan baay’ee nutti agarsiisuudhaan darbeera.Gara fuulduraatti haalli akkanaa akka hin mudanneef of eeggannoo gahaafi barbaachisaan taasifamuu qaba.Muummichi keenya aadaa badaa kanaan dura ture jijjiiruuf hooggansi nama ummata keessaa ba’edha amantaa jedhuun akka malee ummatatti dhiyaatee hojjechaa ture utuu hin eegamin yeroo badu diinni muraasni gammadus kan yaadda’u ammoo baay’eedha,miliyoona hedduudhaan lakkaa’ama.

Hundumtuu akkuma ta’uu qabutti utuu ta’ee wayya.Ammaan booda akka malee dhiyaachuunis akka malee baduunis sirrii hin ta’u.Dr.Abiy garee muraasa qofa utuu hin taane kan hoogganaa jiran biyya guddittii Itiyoophiyaa jedhamtu kan diinni alaafi keessaa faayidaa ofii eegsifachuuf itti gamudha.Kanaaf sadarkaa kanaan yaadamuu qaba.

Nuti kanneen haala uumameen odeeffannoo gahaa dhabuudhaan gaddaafi biriifannaa cimaa keessa turre.Abbichuun akkaataa gonkumaa hin eegamneen nutti waan mul’ateef gammachuu keessa jirra.Kanneen du’asaa waan barbaadaniif waan hedduu wacabbaraa turan ammoo gaddaniiru.Gaddisaanii kan itti fufu haa ta’u!Gammachuun keenya ammoo daran finiinee akka itti fufuuf hooggantoonni keenya tokko tokko akka malee ta’uudhaan akka ta’uu hin qabne ta’aa jiranis kolfi ormaa akka nurraa dhaabbatuuf kallattii sirriitti deebi’uudhaan rakkoo uumamee ilaafii ilaameedhaan akka hiikaniif hawwina.Sabni Nagaafi misooma barbaada!Wal qoccoluun namoota dhuunfaa badhaadhina fiduu hin danda’u.

አስተያየቶች

አስተያየት ይለጥፉ

ከዚህ ጦማር ታዋቂ ልጥፎች

Ministiroota Itiyoophiyaa har'a muudaman

-
ምስል
Ministiroota muudamaaf ministira muummichaan har’a eeramaniifi muudamnisaanii ragga'eef:- 1.Obbo Dammaqa Makonnin- itti aanaa ministira muummichaafi qindeessaa kilaastara damee hawaasummaa 2.Dr.Dabratsiyoon Gabramikaa’eel -sadarkaa itti aanaa ministira muummichaatiin qindeessaa dame diingdeefi ministira quunnmatii  infoormeeshin koomunikeeshinii 3.Adde Asteer Maammoo sadarkaa itti aantuu ministira muummichaatiin qindeessituu damee pabliik sarvisiifi ministira bulchiinsa gaariif misooma qabeenya humna namaa 4.Obbo Siraaj Fageessaa- ministira  ittisaa 5.Dr.Teediroos Adhaanoom -Ministira dhimma alaa 6.obbo Kaasaa Taklabirhaan -Ministira dhimmoolee Federaalaafi qindeessaa naannolee horsiisee bulaa 7.Obbo Getaachaw Ambaayee -Ministira haqaa 8.obbo Abdulaziiz Mahaammad -ministira mallaqaafi wal ta'uumsa diinagdee 9.obbo Tafarraa Daribaw -ministira qonnaafi qabeenya uumamaa 10.Obbo Silashii Geetaahuun -ministira misooma qabeenya be
ተጨማሪ ያንብቡ

Ibsa Dhaabbatummaa Dh.D.U.O

-
ምስል
Ibsa Dhaabbatummaa Ayyaana Hundeeffama Waggaa 26 ffaa Dhaabbata Dimokraatwaa Ummata Oromoo Ilaalchisuudhaan Koreen Giddu Galeessaa DhDUO Baase Koreen Giddu Galeessa Dh.D.U.O. Miseensotaa fi Deeggartootaa Dhaaba keenyaa fi ummata Oromoo hundaan  baga  Waggaa 26 ffaa   hundeeffama dhaaba keenyaatiin isin  gahe, baga wajjiniin nu gahe jedha. Ayyaanni hundeeffama DhDUO Bitooteessa 17 waggaa waggaan kabajamu   Ayyaana seenaa  qabsoo ummata Oromoo keessatti  hiikkaa guddaa qabuudha.  Ayyaana miseensotaafi deeggartoonni  qabsoo  keenyaa  marti kaayyoo eebbifamaa  dhabni keenya qabsaa’uuf ciminaan itti fufsiifnee galmaan ga’uuf waadaa keenya  itti haaromsinuudha. Keessattuu  waggaa 26 ffaa n hundeeffama DhDUO kan kabajamu yeroo addaa keessatti waan ta’eef haala addaatiin kan ilaalamuudha. Ayyanni hundeeffama dhaaba keenyaa woggaa 26 ffa yeroo kabajnu ayyaanota baroota darbanii irraa haalawwan adda isa godhan hedduu dha.kanneen keessaa :- Bara 2007 filannoo mana maree  na
ተጨማሪ ያንብቡ

Eessa turre,Maalirra Geenyeerra? Kutaa 4ffaa

-
ምስል
Barreeffama haala yeroo Oromiyaa irratti kutaadhaan qooduun isiniif dhiyeessaa jiruun kunoo har’a kutaa 4ffaa irra ga’eera.Akkuman waadaa gale kutaa kana keessatti ajajaa hawaasa raayyaa feesbuukii ta’uun socho’aa kan jiru Jawaar Mahaammad haala akkamiitiin fincilli akka babal’atu taasisaa jira?humnoonni dhiphoonniifi of tuultoonni akkasumas mankaraarsitoonni carraa fincila babal’isuu argannee jirra jechuun malaafi tooftaa akkamiitti fayyadamuudhaan socho’aa jiru?Dargaggoonni Oromoos ta’an sabaafi sab-lammoota kanneen biroo balaa humnoonni badii babal’isuuf yaalaa jiran irraa akkamitti of eeguu qaban? Kutaa kana keessatti gaaffilee kanaafi kanneen birootiif deebiin kan kennamu ta’a. Jawaar Mahaammad ergamaa kasaartoota siyaasaa bara kanaati.Namni kun ergamaa humnoota kanaa ta’uusaa ammoo dhiigni Dargagggoota Oromoo marartuu akka dhangala’u taasisuudhaan ba’aa jira. Weeb saayitiin hawaasummaa feesbuukiifi twwiter ammoo Jawaar Mahaammad  ergama isaa kana akka milkeeffachuu d
ተጨማሪ ያንብቡ