Mariin dhaabbilee Siyaasaa Oromoofi Amaaraa maaliin xummurame?
Marii
guyyoota lamaaf taasifamaa ture kana irratti hooggantootnni dhaabbilee siyaasaa
150 fi hayyuuleefi abbootii qabeenyaa 50 ta'an hirmaataniiru.
Dhaabbileen
kunneen ibsa waloo xumura marichaarratti kennanin, badiinsi lubbuu
barattootaafi rakkoon nageenyaa dhaabbilee barnoota ol’aanaa keessatti mul'atu
akka dhaabbatu waamicha dhiyeessaniiru.
Ibsa
kennanin "rakkoon kun furmaata dhugaa akka argatuuf qaamni hundi akka
hojjetuuf waliigalleerra" kan jedhan Hayyu Duree Adda Bilisummaa Oromoo
(ABO) Obbo Daawud Ibsaadha.
"Gaddi
onnee keenya tuqe furmaata akka argatuuf, akkasumas walitti dhufeenyi fooyya'aa
ta'e akka jiraatuuf ni hojjenna," jechuunis himaniiru.
Dabalataan
Obbo Daawud qaamoleen mootummaa bifa itti gaafatamummaa qabuun gahee isaanii
akka bahatan waamicha dhiyeessaniiru.
Dura Taa'aan Sosochii Biyyaalessaa Amaaraa (ABN) Dooktar
Dassaalany Caannee gama isaaniitin: "rakkoon dhaabbilee barnoota olaanoo
keessatti mul'atu akka dhaabbatu ni barbaadna.
Barattootni
garaagarummaa siyaasaa qabaatanillee wal shakkii gidduu keessan jiru mariidhaan
hiikuu qabdu," jechuun dubbatan.
Maatin
mootummaa amanee ijoolleesaa gara dhaabbilee barnoota olaanoo akka ergu kan
himan Dr. Dassaalany, eegumsi dhaabbilee barnoota olaanoo lafaa ta'uu isaa
himan. "Kanaafis dhaabbileen barnootaa olaanoo eegumsa isaanii cimsuu
qabu. Nutis rakkooleen siyaasaa furmaata siyaasaa akka argatanif ni
tumsina," jedhan.
Du'a
barattoota dhaabbilee barnoota ola'anoon gadda itti dhagahame himuun kan
eegalan Hogganaan Kongirasii Federaalawaa Oromoo KFO Proofeesar Mararaa
Guddinaa: "dargaggoonni Itoophiyaa gaaffii mirgaa uummata biyyattiif
gumaacha guddaa taasisaa turaniiru."
"Haata'u
malee, qabsoon mirgaa barattoonni taasisan wal ajjeesuun yoo ta'e qabsoo
isaanii fulduratti hin tarkaanfachiisu. Jijjiirama mootummaas hin fidu,"
jedhan.
Mootummaan qaamoleen nageenyaa naannoo dhaabbilee barnoota
olaanootti socho'an seera eeganii akka socho'an gochuu akka qabu Proofeesar
Mararaan ibsicharratti himaniiru.
Mootummaan
barattootaaf eegums cimaa akka taasisuufi hawaasnis barattoota naannoo isaanii
jiran akka ijoollee ofiitti kunuunsuu akka qabanis dubbatan.
Dabalataan
qaamolee tarkaanfilee barattoota irratti fudhataman duuba jiran adda baasunis
qaamolee nageenyaaf eeruu kennuu akka qaban Prof. Mararaan himaniiru.
Mariin
dhaabbilee siyaasaa naannolee Amaaraafi Oromiyaa keessatti socho'an gidduutti
taasifame miira gaarii kan qabufi galmasaa kan milkeesse ta'uu kan himan immoo
Obbo Taayyee Danda'aati.
Mootummaan
eegumsa gochuun itti gaafatamummaa isaa bahachuuf qophii fi sochiin akka jirus
himaniiru.
"Qaamni
nageenyaafi poolisiin miira 'kan keenya fi kan isaanii' jedhuun osoo hin taanee
nama namummaa isaatin kabajuun nageenya barattootaa akka eegsisu waamicha
dhiyeessina.
Haaluma
kanaan akka raawwatamuufis ni hojjenna" jedhan.
Miidiyaaleen
dhimmicha hammeessan gochaa isaanirraa akka of qusatanis dhaamaniiru.
Maddi:BBC
Afaan Oromoo
አስተያየቶች
አስተያየት ይለጥፉ