Ummanni Oromiyaa humnoota Nagaa wajjin Nagaa Naannoosaa akka eeguuf waamichi dhiyaate
Biiroon
dhimmoota koomunikeeshinii Mootummaa Naannoo Oromiyaa jeeqamsa humnoonni
farreen Nagaa qindeessaniifi tibbana raawwatame irratti xiyyeeffachuudhaan
har’a ibsa kenneera.
Hoogganaan biirichaa obbo Fiqaaduu Tasammaa haala yeroo
Naannoo Oromiyaa irratti ibsa har’a gaazeexeessitootaaf kennan kanaan jeeqamsa
mudateen Lubbuu Namootaafi qabeenyarra miidhaan akka ga’e mirkaneessaniiru.
Hoogganaan biirichaa akka jedhanitti humnoonni badii farreen
nageenyaa dhiphoonnii fi shoororkeessitoonni Guddina diinagdee Naannoo Oromiyaa
fi biyya keenyaa irraa ummanni keenya fayyadamuun isaa ibidda ramacii itti ta`e
dhimma pilaanii qindaawaa misooma waliinii magaalaa Finfinnee fi Magaaloota
Goddina Addaa Oromiyaa Naannawaa Finfinnee waliin walqabsiisuun bu’aa siyaasaa
hin mallee argachuuf oloola afarsaaniin miidhaan ga’eera.
Manneen barnootaa muraasa Naannoo Oromiyaa keessatti
jeeqamsi akka mudatu kan taasifame imalli haaromsaa akka itti hin funeef
dhaabbilee shoroorkeessitoota akka Ginboot 7fi ABO’n akka ta’anis
himaniiru.
Jeeqamsi kun dimma maastar pilaanii qindaa’aafi labsii
magaalotaa dhiyeenya Caffee Oromiyaatiin ragga’eef hiikkaa ofiif barbaadan
kennauun jeeqamsii akka babal’atuuf carraaqqiin taasifamuus himaniiru.
Qaamoleen kun kanumaan duraa qaxxaa muraan taayitaa
qabachuuf yaalaa akka turan kan himan hoogganaan biirichaa ummanni
wantoota sadi hubachuu qabu kaasaniiru.
Akkaatuma kanaan maastar pilaanichi magaaloota
godin aaddaa Oromiyaa Nananwa Finfinneefi Magaalaa Finfinnee bu’ura
misomaatiin walitti hidhu,gabaa bal’aa Finfinnee jiru irraa godinni addaa akka
fayadamuuf kan yaadamedha.
Kana malees qabeenya uumaamaa Finfinnee keessa
jiru waliin bulchuudhaan faayidaa waliin wajjinii umudha kan jedhan obbo
Fiqaaduun,gochoota yakkaa asiifi achitti uumamanis waliin too’achuufi faalama
warshaaleen geessisaniin miidhaa ummatarara ga’u waliin ittisuuf akka ta’e
himaniiru.
Yeroo ammaa waardiyyaa nageenyaa kan ta`e ummanni keenyaa fi
humni nageenyaa kabachiisa naannichaa qindoomuun hojii hojjatameen
nageenyii kan bu’e waan ta`eef barattoonni sababii kanaan barumsarraa
hafan gara mana barumsaatti deebi’anii adeemsi baruu fi barsiisuu itti fufusaas
obbo Fiqaaduun eeraniiru.
Barattoonni hanga ammaa gara barumsaatti hindeebi’iin akka
deebii’aniif dhaamuun,ummanni keenya gochaawwan farreen nageenyaa hubachuun
akkuma armaan duraa nageenya naannichaatiif waardiyyaa dhaabbachuun nageenya
isaa akka kabachiisus dhaamaniiru.
Jeeqamsi humnoonni kun qindeessan manneen barnootaan alatti
akka babal'atu taasisuudhaan warshaawwan tokko tokko irratti miidhaan akka
ga'uuf carraaqqiin akka taasifames obbo Fiqaaduun dubbataniiru.
Jeeqamsa mudate kana keessa Namoonni meeshaa waraanaa hidhatan
akka jiran mirkanaa'uus obbo Fiqaaduun beeksisaniiru.
አስተያየቶች
አስተያየት ይለጥፉ