Itiyoophiyaan fiigicha amma irra jirtuun yoo itti fufte bara 2017 biyya galii jiddu galeessa qabdu taati-Baankii Addunuyaa

Baankiin Addunyaa ibs ahar’a baaseen diingdeen Itiyoophiyaa ALA bara 2004 irraa hanga bara 2014tti dhibbentaan 10.9 jiddu galaan guddachaa akka ture beeksseera.

Biyattiin saffis aguddinaaa kana itti fufsiisuu yoo dandeesse ALA bara 2025 galma biyya galii jiddu galeessa qabdu ta’uu kaawwatte akka milkeessitu baankichi himeera.

Baankichi ibsa har’a mata duraa’fiigicha guddicha Itiyoophiyaa’ jedhuun baaseen akka mirkaneessetti  guddina galmeeffama ajiruuf investiumantiin bu’ura misoomaatiif mootummaan babal’isaa jiruufi haalawwan mijaa’aan alaa jiran sababdha.

ALA bara 1992 irraa eegalee biyyattiin jijjiirama dingdee mul’isaa akka dhufte kan hime baankiin kun ALA bara 2004 irraa eegalee guddiinni galmeessifte ajaa’ibsiisaadha jedheera.

Waggoota kanatti lammiiwwan miliyonaan lakkaa’aman Itiyoophiyaan hiyyummaa keessaa baasuu dandeessee jirti, barri lubbuun jiraachuu lammiiwwaniitis dabaleera duutii Haadholeefi daa’immaniis hir’ateera jedheera,baankiin Addunyaa.

Akka gabaasa baankichaattti ALA bara 2000 hnaga 2011tti biyyattiin hammeentaa hiyyuummaa dhibbentaan 44n hir’isuu dandeessee jirti.

Guddin galmeeffameef dameen tajaajilaa,qonniifi induustiriin shoora duraa akka gumaachan kaasuudhaan walumaagalatti guddina waliigalaa biyya keessaatiif Induustirin tajajailaa dhibentaan 5.4fi qonni dhibbentaan 3.6 shora gumaachaniiru. Damee qonana irraa gara tajaajilaafi ijaarsaatti humni Namaa ce’aa jiruunis galiin dhuunfaa ALA bara 2005 hanga bara 2013tti dhibbenetaan 13 akka ga’uuf shoora gumaachuusaa gabaasi baankichaa mul’iseera.

Baankichi Itiyoophiyaan gudduna kana itti fufsisuuf utuu hojiirra oolchitee gaariidha jechuunis kallattiiwwan gorsaa kaa’eera.

Guddina diingdeetiif dameen dhuunfaa shoora murteessaa wana gumaachuuf dameen kun madda faayinaansii akka argatu taasisuun deeggarsi kennamuufii qaba jedheera.

Investimnatii  bu’urawwan misoomaatiif gara fuulduraattis biyyattiin  madda faayinaansii akak barbaadduuf baankichi gorseera.

Induustirii faayinansiitis hammayyeessuun wal ga’uumsa dhaabbilee faayinanasii babal’isuuf hojjetamuu akka qabu Baankichi gabaasa isaa kanaan ifoomseera.