ADWUI keessatti taayitaan ergamaafi malee kaayyoo dhiibbaa sabaafi dhaabaa milkeessuuf hin oolu.Ob.Dammaqa

Itti aanaan dura taa’aa ADWUIfi dura taa’aan sochii demookraasummaa Saba Amaaraa obbo Dammaqa Makonnin gaaffiifi deebii Gaazexaa Bakur jedhamu waliin taasisaniin sochiin Demookraasummaa Saba Amaaraa kabajamuu eenyummaa Saba Amaaraatiifi Ummattoota Itiyoophiyaatiif sirni Demookratawaan akka diriiruuf shoora ol’aanaa kan gumaache akka ta’e dubbataniiru.

Qabsaa’oonni Adda bilisa baasaa Ummata Tigraayiifi sochii Demookraasummaa Umnmata Itiyoophiyaa iddoo tokkotti qabsaa’uun bool’a tokkotti awwaalamaa injifannoo boonsaadhaaf ga’uusaanii obbo Dammaqan yaadachuudhaan balaafi wareegamni wayita mudatus ani durseen yaala waliin jechuun dhaabbilee ciccimoo injifannoof ga’an akka ta’an eeran.

Adeemsa kanaanis lameenuu sagantaa ofiifi ajandaa qabsoo kan qaban akka ta’aniifi bilisummaa dhaabbatummaa eeguudhaan kan as ga’an ta’uusaanii dubbataniiru.

Injifannoo boodas  ta’u ADWUI’n sagantaa akka addaatti ittiin hoogganamuufi seera ittiin bulmaataa akka qopheesseefi SDUI/SDSA’s akkauma dhaabbilee miseensa kannene biroo sagantaawwan kana irraa waraabaman akka qaban obbo Dammaqan himaniiru.

ADWUI’n mana maree miseensoota 180 dhaabbilee  miseensa keessaa walitti ba’aniif wal qixa murteessuu danda’aniin moggaafamuun waliin wajjin biyya kan hoogganu ta’uusaa kan himan obbo Dammaqan manni maree addichaa miseensoota koree hojii raawwachiiftuu 36 dhaabbilee hunda keessaa walitti baba’an akka qabu eeraniiru.

Kana malees  dura taa’aafi itti aanaan dura taa’aan ADWUI’tis miseensoota mana maree 180 keessaa sagalee ittitiidhaan kennamuun akka filatamaniifi hojii taawwachiistoonni 36’s biyyaaf akka ADWUI’tti tokko ta’uun kan hojjetan  Naannoolee biyyaalessaa isaaniifis jiddu galtummaa qaama kamiyyuun ala murteessuuf bilisummaa dhaabbatummaa akka qaban beeksisaniiru.

ADWUI keessatti SDUI/SDSA’s ta’e dhaabbileen kanneen biroo adda bilisa baasaa Ummataa Tigraay irraa dhiibbaan irra ga’a jechuun Namoonni dubbatan hojmaata ADWUI wallaaluudhaan ykn. kaayyoo qaama tokko adda baasanii rukutuu milkeessuu kan qabanidha jedhan.

Obbo Dammaqan ADWUI keessatti taayitaan ergama milkeessuufi malee dhiibbaa sabaafi dhaaba tokkoo uumuuf faayidaarra akka hin oolle hubachuun barbaachisaa akka ta’es mirkaneessaniiru.