Dhikkifni onnee hattootaa dabaleera

 Rakkoon bulchiinsa gaarii  ummattoota dararaa ture fala waaraa akka argatuuf erga labsamee kan bubbule ta’ullee tarkaanfiin Mootummaan dhiyeenya kana fudhachuuf labse kan kanaan duraa irraa adda akka ta’e beekamaadha.

Qondaaltoonni Mootummaa Itiyoophiyaa dhiyeenya dhimma rakkoo bulchinsa gaarii irratti wayita mari’atanitti kanneen tokko tokko yaada kennaniin  qaamoota qorannoo saayinsaawaa taasisan irratti  gaaffiiwwan adda addaa kaasuudhaan mamii akka mul’isaniifi dhimmicha ofirraa faccisuuf yaaluun isaanii kan hubatame ta’us rakkoon ummata mufachiisee ture kun furmaata argachuunsaa waan hin oolle akka ta’e hubatamaa jira.

‘Bittaanis kori mirgaanis kori walgeettiin kooraadha’ akkuma jedhamu amma ummanni kan barbaadu rakkoon bulchiinsa gaarii isa raakaa ture furmaata akka argatuufidha.

Rakkoon sababa sochii malaammaltootaatiin bu’urasaa gadi fageeffatee ture kun furmaata argachuun isaa dirqamaafi duuba deebii  kan hin qabne ta’uusaa sosochii hawaasaa mul’achaa jiru irraa  hubachuun rakkisaa hin ta’u.

Mootummaan misoomawaa Demookraatwaa ADWUI’n hoogganamus rakkoon kun hattattamaan fala akka argatuuf qaamolee gara garaatiif waamicha dhiyeesseera.Bu’aa ofiitiif jecha kan hin sochoone eenyumaree laata?

Ummanni bal’aan karra mijaa’aa argate kanatti fayyadamuudhaan malaammaltoota saaxilee mataa gadi qabsisuun isaa waan hin oolle akka ta’e mirkanaa’eera.Amala Umattoota Itiyoophiyaa ammoo kan beekutu beeka.

Amma Malaammaltoonni bakka seenan dhabaniiru.dhikkifni onnee isaaniitiis dabalaa jira.akkam taanuun yaaddoo itti ta’ee akka jiru eenyumatu tilmaamuu dadhabaa laata?hundumaafuu malaammaltoonni sadarkaa kamirrattuu argamaniifi rakkoon malaammaltuummaa akka babal’atu taasisaa turan wayita ammaa dhiphina ol’aanaa keessa jiru.

Hattoonni haalli ittiin baraaraman gonkumaa akka hin jirre beekamaadha.kanin fayyadamu ummanni yoo fayyadamu,kan naaf darbu ummataafis wayita darbudha amantaa jedhu qabachuu dadhabii kanneen saamichaaf jecha wantoota adda addaa keessa seenan,neeti woorkiidhaan kan wal hidhan kan mindaan argatan gochuu hin dandeenye qabaatan hundi amma dhikkfni onnee isaanii akka malee dabaleera.

Maxxanxoonni maal jechaa jiruu?

Maxxantoonni ilaalcha dhiphummaafi malaammaltummaatti cuuphaman tarkaanfiin mootummaan nanfudhadha jedhu kun soba,umurii dheerraffachuuf kana jechaa jira jechuun dubbachuun isaanii tibbana dhag’ameera.

Keesumattuu hooggantoonni paartilee mormitootaa tokko tokkoofi humnoonni biyya alaatti riphan tokko tokko haalli kun isaaniif haala mijaawaa kan uumeef itti fakkaateera.’Yaa gowwaa si duubaan bowwaa’ jedhe mammaksi.

Humnoonni ajandaa ofii uummachuu hin dandeenye kun rakkoo caasaa mootummaa keessa jiruufi hanqina  argan qofatti rarra’uun hanga yoomiitti qabsaa’uu danda’uu laata?isaaniif safuu!kanneen dhikkifni onnee isaanii daran dabaleefis safuudha.