Barreeffama haala yeroo irratti ejjannoo Mootummaa Naannoo Oromiyaa balballoomsu
“Gochaan hanna qormaata biyyaalessaa
raawwatame gantummaa biyyaafi egeree
dhaloota borii irratti yakka aggaamemedha!”
Seenaa
biyya keenyaa keessatti duubatti hafummaafi wallaalummaan godaannisni ummata
keenyarratti gatanii darban qabsoo har’a deega maqsuu dabalatee gageessaa jirru
daran dhimmoota ulfaataa taasisan akka ta’e ummatni naannoofi biyya keenyaa
haalaan hubatu.
Mootummaan sirna federaalawaa dimokraatawaafi misoomawaa yaa
ta’uu ummataafi heeraan ijaarame fedhiifi faayidaa ummattoonni biyya keenyaa
sirna dimokraasii keessatti argachuu barbaadan kan ittiin ibsataniifi
mirkaneeffatanis godaannisa kana hundeerraa dhabamsiisuuf akka ta’e
beekamaadha. Waggoottan 25’n dabran keessa mootummaan Naannoo Oromiyaas ta’e
biyya keenyaa jijiiramni bu’uraa damee barnootaarratti fiduudhaaf tattaafiin
taasisaniifi bu’aa ba’iin keessa dabarsan hangam takka wareegama akka gaafate ragaan
ummata naannoo keenyaati.Hooggansi damee barnootaa kennamaa ture bu’uraalee
misoomaa damichaa babal’isuu fi, carraa barnootaa ilmaan Oromoo jaarraa
hedduudhaaf dhabanii duubatti hafummaafi hiyyummaaf itti saaxilaman keessaa
baasuuudhaan injifannoo dachaa gonfachiisuu danda’eera. Har’a ijoolleen Oromoo
miiliyoona saddeetii ol ta’an waggaatti carraa barumsaa akka argatan biyya itti
taasifamaa jiru, Barattoonni kuma dhibboota hedduutti lakkaa’aman carraa
barnoota ol’aanaa argachuu akka danda’an biyya itti taasifame, koolleejjotaafi
yunivarstiiwwan 45 olitti lakkaa’aman Naannoo Oromiyaa keessatti qofaa akka
ijaaraman itti taasifamedha.Bu’aan kun seenaa kaleessaa geeddaruudhaan biyyaafi
dhaloota haarawaa addunyaa fuulduratti mataa olqabatee tarkaanfatu uumudhaaf
kutannoo mootummaan qabuun kan dhufedha.
Humnootni
badiifi gantummaa biyyaa raawwataa jiran guddina, misoomaafi ijaarsa sirna
dimokraasii keenya gufachiisudhaaf gochaawwan badii garaagaraa keessumaa ummata
Oromoo irratti aggaamaa turan ummatni naannoofi biyya keenyaa onnee guutuudhaan
fuuldura dhaabbachaa, dogoggora uumame sirreessaafi toora sirrii qabachiisaa
akka har’a gahan beekamaadha.
Keessumaa Naanoo Oromiyaafi kallattiidhaan ummata
Oromoorratti aggaamiwwan raawwataman cunqursaa dachaa kaleessaafi gabrummaa
sirnoota gita bittaa nafxanyaatiin gageeffamaa ture duubaan deebisuudhaaf kan
karoorfataman akka ta’eefi ummanni naannoo keenyaas akkuma kaleesaa qabsoo
wareegama hadhaawaa gaafateen injifachaa as gaheera.
Bara
kanas rakkoolee bulchiisa gaariifi gaaffii misoomaan walqabatan ummatni naannoo
keenyaa mootummaa isaatiif dhiyeesaa ture jal’issuufi daran fiixee hin malletti
baasuudhaan humnootni badii kun dirree barnootaa jeeqaa bahaniiru. Jeequmsa
kanas faayidaan dhumaa isaa diigicha biyyaa akka ta’e hubachuudhaan ummatni Oromoo
daangaa hanga daangaatti fuuldura dhaabachuun tasgabbeeseera. Mootummaa ofiisaa
ijaare gaafatamaa gochuu akka danda’uufi deebii dimokraatawaa argachuu akka
danda’us irraa barateera. Dogoggora deemsa keessa akka ummataattis ta’e qaama
hawaasaatti uumerraas akkasuma baruumsa fudhatee darbeera.
Mootummaan
Nannoo Oromiyaa gaaffii barataan, qonnaan bulaan, jiraataan magaalaafi
qaamoleen hawaasaa hundi rakkoo bulchiisa gaariifi misoomaarratti qaban kabajaafi
ulfina guddaan fudhatee sirreessuudhaaf ummata hirmaachisuuf waadaa galeera.Waadaa
isaas hojii qabatamaan agarsiisaa jira. Dirreen barnootaa akka nagaafi
tasgabbii horatu humna guutuun hojjechaas jira.
Haalli
kun kanaumaan osoo jiruu qormaata biyyaalessaa karaa naga qabeesaafi tasgabbaahaadhaan
keennuudhaan barataa Oromoo carraa dorgomummaa walqixaa naannolee biraa waliin
qabu akka hin dhabne ofeeggannoo cimaadhaan hojjetamaa wayita jitutti humnootni
badii diigicha dhaloota Oromoof kaleessa kaayyeffatan kunoo guyyaa har’aa
sadarkaa biyyaalessaatti olguddisuudhaan gochaa hanna qormaataa kutaa 12ffaa ol’aantummaadhaan
gageessuudhaan, biiftuun dhaloota abdii boruu wayita dukkanooftu gammachuudhaan
dhiichisuudhaaf carraa godhatanii dhaadachuurratti argamu.
Gochaan
kun dhalootaafi biyya diiguudha. Egeree biyyaalessaa ummata Oromoo fuuldura
dhaabachuudhaan jireenya ofii dafqa ilmaan Oromootiin ijaarrachuudhaaf gochaa
raawwatame akka ta’e ummatni naannoo keenyaa nihubata. Mootummaan naannoo
keenyaa qormaata ummata Oromoo qunnamaa ture hundaa biilchinaaf gahumsa
cimaadhaan keessa darbaa akkuma ture gonkumaa egeree biyyaa dukkaneesudhaaf
warra kufanii ka’an kanneeniif carraa akka hin kennine mirkaneesuu barbaada.
Ummatni
naanoo keenyaas doofummaa, wallaalummaafi duubatti hafummaa dhalootarratti
fe’uudhaaf sosochii godhamu kana hadheeffatee sadarkaa hundatti balaaleffachuu
qaba. Barataan Oromoo carraa isaa dukkaneessuudhaaf warra fiiganii gufuu jala
danqaran kanneen hadheeffatee balaaleffachuun irraa eegama.
Mootummaan
badii raawwatame kana tasuma akka hin dabalamneef hojjechuu cinaatti hooggnasa
misoomawaa kennuun yeroo gabaabaa keessatti qormaata qopheessuudhaan barataan Oromoofi
biyyaalessaa egereen isaa akka hingufanne halkanii guyyaa akka hojjetu mirkaneesuu barbaada. Humnoota badii gochaa
qaanesaa kana raawwatanis araarama tokko malee qoratee yakka gantummaa
biyyaatiin seeratti dhiyeessuudhaaf kutannoo qabu ibsa.
Caasaan
barnootaa, maatiin barattootaafi barataan naannoo keenyaa gochaan raawwatame
kun egeree naannoo keenyaa badhaadhinarraa duubatti deebisuu kan kaayyeffate
ta’uusaa hubachuudhaan sirreeffama mootummaan fudhatu onnee guutudhaan
deeggaruun irraa eegama.Ummatni naannoo keenyaas akkuma kaleessa gochaa ture
barnootni isaaf lubbuu misoomaa ta’uusa hubachuudhaan gochaa humnootni badii
dirree kana keessatti raawwataa jiran gonkumaa imala haaromsa keenya
gufachiisuu akka hindandeenyeefi gochaa isaanitiin qaanii akka uffatan itti
agarsiisuudhaaf irree tokkoon qabsaa’uun irraa eegama.
BDHKMNO
Caamsaa
22/2008
Finfinnee
አስተያየቶች
አስተያየት ይለጥፉ