Anatu siifbeekaan Nama raakaa jirti,Gaazexeessaas

Dhiyeenya kana komishiiniin mirga Namoomaa Itiyoophiyaa jeeqamsa Naannoo Oromiyaafi Naannoo Amaaraatti gartummaa irraa bilisa ta’uudhaan qoradheera jedhe mana maree bakka bu’oota Ummataatiif dhiyeesseera.

Guyyaa gabaasi komishiinichaa mana maree bakka bu’oota ummatatiif dhiyaate irraa eegalee qaamoleen gara garaa hanga ammaatti dhimma kana irratti yoo walfaman dhag’amaa jira.

Keessumattuu humnoonni mormitootaa sirna mootummaa ammaa kana irraa jibba ol’aanaa qaban Namoota Mootummaa toora ADWUI’n hoogganamaa jiru jibban barbaadanii jibbasaanii akka diddigan taasisuun gaazeexeessitoonni beekaman jiu.

Raadiyoo Ameerikaa sagantaa Afaan Amaaraa irratti kan beekaman Tizzitaa Balaachoofi Addisuu Abbaba hojii kana adda durummaadhaan hojjechuudhaan beekamu.Namoonni kun sirna hojiin Gaazeexeessummaa ittiin gaggeeffamuun wanti  hojjetan bu’aan argamsiisu hin jiru jechuun hin danda’amu.

Haa ta’uutii Gaazexeessitoonni kun loogdummaan isaan paartiiwwan mormitootaaf qaban bal’aa akka ta’e wantootuma isaan dhaggeeffattootaaf dhiyeessaa jiran irraa hubachuun ni danda’ama.

Fakkeenyaaf Tizzitaa Balaachoo tibbana waa’ee gabaasa  komishiiniin mirga namoomaa Itiyoophiyaa mana maree bakka bu’oota ummataatiif dhiyeesse irratti xiyyeeffachuudhaan namoota adda addaa dubbisuun dhageessiftee jirti.Namni tun gaaffiin isheen dhiyeessituufi haalli Namoota ittiin keessummeessitu jibbi sheen sirna Mootummaa Itiyoophiyaa irratti qabdu hangam akka miidheen kan mul’isudha.

Tizzitaan obboleettii ob.Kaffiyaalaw Balaachooti.Ob.Kaffiyaalaw Balaachoo ammoo yeroo tokkotti tajaajilaa sirna kanaa turan.hoogganaa biiroo haqaa Oromiyaa ta’uudhaan tajaajilaa akka turanis ni yaadatama.

Tizzitaan maalumaaf sirna obboleessi ishee keessatti argamee tajaajilaa ture akkanatti jibbuudhaan irratti hojjechaa jirti laata?kun anaaf gaaffiidha.Gaazexeessaa Addisuu Abbaba miseensa Ihaappaa akka ture himama.Tizzitaanhoo miseensa paartii isa kamii turte laata?Isheen ammoo miseensa ABO turte jechuun shakkuun ni danda’ama.

Hundumaafuu Gaazexeessitoonni lameen kun Raadiyoo sagalee Ameerikaa kutaa Afaan Amaaraatti da’eeffachuudhaan shirri mootummaa Itiyoophiyaa irratti hojjechaa tutaniifi ammas hojjechaa jiran hammaataadha.Haa ta’uutii wixiffannaan Namoota kanaas ta’e jibbi Namoonni dhuunfaan kanneen biroo mootummaa ummataa irratti qaban jijjiiramni fidu hin jiru.Baddu baddi malee saree ija hindhiqan!