Yeroon qoruumsaa kutaa 12ffaa torban tokko dabale

Qormaanni kutaa 12ffaa  seensa dhaabbilee baruumsa ol'aanaa Adoolessa 4 hanga 7 bara 2008’tti  akka kennamuuf murteeffamuu ministeerri barnootaa beeksiseera

Ministeerichi ibsa har’a kenneen akka jedhetti qormaatichi Caamsaa 22,2008 eegalee kennamuuf karoorfamee ture sababii qormaatichi hatamee ba’een guyyaa fi qormaaticha jijjiiruun barbaachisaa ta’eera.

Ministeerichi sababa kanaan qoruumsi hundmumtuu akka haqamu taasisuudhaan Waxabajjii 27-30,2008 akka akka kennamuuf murteessee ture.

Haata’uutii yeoon qoruumsaa sooma Ramadaanaa wallin waan walirra bu’eef, Manni Maree waliigalaa Dhimmoota Islaamaa Ityoophiyaa soomaan booda akka ta’uuf waan gaafateef guyyaa qoruumsaa dura murteeffame jijjiiruun murteessaa akka ta’e ibsa ministeerichaatiin eerameera.

Milkaa’ina qoruumsichaatiif qophiin barbaachisaan marti ofeeggannoon taasifamaa waan tureef barattoonnis Adoolessa 4 waraqaa eenyummeessaa qormaataaf laatameef qabatanii qormaatamuuf akka dhiyaatan ministeerichi hubachiiseera.

Ministeerichi manneen barnootaa fi barsiistonni keessa deebi’anii barattootaaf deeggarsa barbaachisaa ta’e yeroo kenname kana keessatti akka taasisaniif ministeerichi dhaameera.