Jaalalaan haa tokkoomnu; dhiifamaan haa ceenu

-


(Muddee 18,2015 Finfinnee) Biyyi keenya Itoophiyaan biyya birmadummaafi tokkummaa ishee kabachiiftee turte akkasumas biyya guddinaaf carraa bal'aa qabdu taatus sababa rakkoowwan keessoofi dhiibbaa alaan carraa qabdutti osoo hin fayyadamiin turtee jirti.
Itoophiyaan yeroo dheeraaf walwaraansa keessoofi qoqqoodaminsa siyaasaan miidhamaa kan turte yoo ta'u kunis gama tokkoon fuula ishee gara misoomaatti akka hin deebifanne gama biraan ammoo giddu seentummaa humnoota alaaf saaxilaa tureera.
Itoophiyaanonni humna alaa isaan weeraruu dhufu tokkummaan qolachuun kan beekaman yoo ta'u aadaan rakkoo keessoo isaanii karaa nagaa, ilaaf-ilaameefi mariin furachuu, dhiifamaan bira walii darbuu laafaa dha. Aadaan dhiifamaa, mariifi ilaaf-ilaameen dubbii fixuu dadhabaa ta'uun rakkoon sirnoonniifi humnoonni alaa carraa argatanitti fayyadamuun kaleessa uuman har'a madda walitti bu'insaa akka ta'u, hiyyummaan mallattoo biyyatti akka ta'uuf, uummanni Itoophiyaa gadadoofi jireenya baqaaf akka saxilamu taasisee jira. Karaa biraan, hiyyummaan deebi'ee madda walitti bu'insaa ta'uun nagaafi tasgabbii biyyattii booressaa jira.
Dhimmi guddaafi ijoon jijjiiramni biyya keenyatti waggaa afuriin dura dhufe fide keessaa tokko dhiifamaa, ilaaf-ilaameefi jaalalaan boqonnaa walwaraansaafi rakkoo siyaasaa keessoo keenyaa goolabuufi fuula keenya gara Badhaadhinaatti deebifachuun Itoophiyaa cimtuu taate uumuu dha.
Aadaan siyaasaa kaleessa irraa dhaalameefi jibbinsa, walqoqqooduufi "kan kootu caalaa" irratti hundaa'e hawwiifi abdii nageenya waaraa jijjiiramichi banee ture gufachiisuun biyya keenya marsaa biraaf gara walwaraansaatti akka deebitu taasisus walwaraansi Kaaba biyya keenyaatti waggoottan lamaaf deemuun lubbuu namaafi qabeenya biyyaa mancaasuun birmadummaa biyyaa balaa guddaaf saaxilee ture waliigaltee araaraafi nagaa taasifameen karaa nagaan akka xumuramuuf waraanni dhaabbachuun daandiin walakkaa ol adeemamee jira.
Waliigalteen nageenyaafi araaraa jijjiiramaa guddaafi sadarkaa abdachiisaa irra ga'ee jiru kun kutannoo mootummaan nagaa buusuuf qabu kan agarsiise; uummanni qilleensa nagaa hawwaa ture akka afuurfatuuf abdii kan uume dha. Hundumarra ammoo qaamota dorgommii siyaasa tarsimoo lafaa fi daldala siyaasaa Qaxanaa Gaanfa Afrikaa jirutti fayyadamuun biyya keenya irratti dhiibbaa uumuu barbaadanitti karra kan cufe dha.
Waliigalteen araaraafi nageenyaa kun duudhaan dhiifamaa, araaraafi marii biyya keenyatti yeroo dheeraaf hawwamaa ture aadaa ta'uun rakkoowwan biroon karaa nagaan akka furamaniif akkasumas mariin biyyoolessaa akka milkaa'uuf gumaacha guddaa qaba. Akkasumas, Itoophiyaanonni rakkoo keessoofi waldhabdee isaanii karaa nagaan mariifi ilaaf-ilaameen furachuuf ga'umsa akka qaban addunyaatti kan mul'isu dha.
Kanaaf, daandiin nageenyaa biyya keenyatti eegalamee jiru biyya keenya boqonnaa walwaraansaa keessaa baasuun fuula ishee gara misoomaafi guddinaatti akka deebifattuuf carraa waan banuuf lammiin hundumtuu waan isa irraa eegamu ba'uu qaba.
Nagaan Itoophiyaaf!
Nageenyi Itoophiyaanotaaf!

Maddi:OPP

አስተያየቶች

አስተያየት ይለጥፉ

ከዚህ ጦማር ታዋቂ ልጥፎች

Ministiroota Itiyoophiyaa har'a muudaman

-
ምስል
Ministiroota muudamaaf ministira muummichaan har’a eeramaniifi muudamnisaanii ragga'eef:- 1.Obbo Dammaqa Makonnin- itti aanaa ministira muummichaafi qindeessaa kilaastara damee hawaasummaa 2.Dr.Dabratsiyoon Gabramikaa’eel -sadarkaa itti aanaa ministira muummichaatiin qindeessaa dame diingdeefi ministira quunnmatii  infoormeeshin koomunikeeshinii 3.Adde Asteer Maammoo sadarkaa itti aantuu ministira muummichaatiin qindeessituu damee pabliik sarvisiifi ministira bulchiinsa gaariif misooma qabeenya humna namaa 4.Obbo Siraaj Fageessaa- ministira  ittisaa 5.Dr.Teediroos Adhaanoom -Ministira dhimma alaa 6.obbo Kaasaa Taklabirhaan -Ministira dhimmoolee Federaalaafi qindeessaa naannolee horsiisee bulaa 7.Obbo Getaachaw Ambaayee -Ministira haqaa 8.obbo Abdulaziiz Mahaammad -ministira mallaqaafi wal ta'uumsa diinagdee 9.obbo Tafarraa Daribaw -ministira qonnaafi qabeenya uumamaa 10.Obbo Silashii Geetaahuun -ministira misooma qabeenya be
ተጨማሪ ያንብቡ

Ibsa Dhaabbatummaa Dh.D.U.O

-
ምስል
Ibsa Dhaabbatummaa Ayyaana Hundeeffama Waggaa 26 ffaa Dhaabbata Dimokraatwaa Ummata Oromoo Ilaalchisuudhaan Koreen Giddu Galeessaa DhDUO Baase Koreen Giddu Galeessa Dh.D.U.O. Miseensotaa fi Deeggartootaa Dhaaba keenyaa fi ummata Oromoo hundaan  baga  Waggaa 26 ffaa   hundeeffama dhaaba keenyaatiin isin  gahe, baga wajjiniin nu gahe jedha. Ayyaanni hundeeffama DhDUO Bitooteessa 17 waggaa waggaan kabajamu   Ayyaana seenaa  qabsoo ummata Oromoo keessatti  hiikkaa guddaa qabuudha.  Ayyaana miseensotaafi deeggartoonni  qabsoo  keenyaa  marti kaayyoo eebbifamaa  dhabni keenya qabsaa’uuf ciminaan itti fufsiifnee galmaan ga’uuf waadaa keenya  itti haaromsinuudha. Keessattuu  waggaa 26 ffaa n hundeeffama DhDUO kan kabajamu yeroo addaa keessatti waan ta’eef haala addaatiin kan ilaalamuudha. Ayyanni hundeeffama dhaaba keenyaa woggaa 26 ffa yeroo kabajnu ayyaanota baroota darbanii irraa haalawwan adda isa godhan hedduu dha.kanneen keessaa :- Bara 2007 filannoo mana maree  na
ተጨማሪ ያንብቡ

Eessa turre,Maalirra Geenyeerra? Kutaa 4ffaa

-
ምስል
Barreeffama haala yeroo Oromiyaa irratti kutaadhaan qooduun isiniif dhiyeessaa jiruun kunoo har’a kutaa 4ffaa irra ga’eera.Akkuman waadaa gale kutaa kana keessatti ajajaa hawaasa raayyaa feesbuukii ta’uun socho’aa kan jiru Jawaar Mahaammad haala akkamiitiin fincilli akka babal’atu taasisaa jira?humnoonni dhiphoonniifi of tuultoonni akkasumas mankaraarsitoonni carraa fincila babal’isuu argannee jirra jechuun malaafi tooftaa akkamiitti fayyadamuudhaan socho’aa jiru?Dargaggoonni Oromoos ta’an sabaafi sab-lammoota kanneen biroo balaa humnoonni badii babal’isuuf yaalaa jiran irraa akkamitti of eeguu qaban? Kutaa kana keessatti gaaffilee kanaafi kanneen birootiif deebiin kan kennamu ta’a. Jawaar Mahaammad ergamaa kasaartoota siyaasaa bara kanaati.Namni kun ergamaa humnoota kanaa ta’uusaa ammoo dhiigni Dargagggoota Oromoo marartuu akka dhangala’u taasisuudhaan ba’aa jira. Weeb saayitiin hawaasummaa feesbuukiifi twwiter ammoo Jawaar Mahaammad  ergama isaa kana akka milkeeffachuu d
ተጨማሪ ያንብቡ